Znajści
Ałharytmičny łacinski varyjant
25.04.2023 / 20:294RusŁacBieł

Kaciaryna Vadanosava vyšyła šykoŭny viasielny stroj — tolki pahladzicie

Śpiavačka Kaciaryna Vadanosava pakazała novy stroj ručnoj raboty, jaki całkam zrabiła sama.

Fota: fejsbuk Kaciaryny Vadanosavaj

Śpiavačka skončyła šyć stroj na pačatku minułaha tydnia.

«Stroj — całkam maja ručnaja rabota: kašula, namitka, fartuch, spadnica, harset, šaŭkovaja chustka — usio pašyta dy vyšyta mnoju biez vykarystańnia šviejnaj mašynki, na rukach, ihołkaj. Pojas ja satkała na doščačkach. Karunki na fartuchu źviazała šydełkam sa zvyčajnaj katušačnaj nitki dla šyćcia, tamu jany atrymalisia vielmi dalikatnymi, tonkimi dy ažurnymi», — dzielicca majstrycha.

Stroj nie źjaŭlajecca rekanstrukcyjaj niejkaha kompleksu i nie maje dakładnaj rehijanalnaj pryviazki.

«Arnamienty na fartuchu dy kašuli, naprykład, niehlubskija, ale tam nie vykarystoŭvali taniutki lon, faktyčna marlu — «sierpanok», jak zrabiła ja. A harset pašyty tak, jak šyła maja babula, jakaja pachodziła z-pad Maładziečna. Nu i, kaniešnie, namitku viazali nahłucha, a nie raspuskali, jak velum, ale, spadziavajusia, vy mnie darujecie hetuju volnaść», — apisvaje pracu Kaciaryna Vadanosava.

Fota: fejsbuk Kaciaryny Vadanosavaj

«Mnie zaŭsiody byvaje troški kryŭdna za fartuchi: zvyčajna vyšyŭki ŭ ich u razy bolš za abjomy vyšyŭki na kašulach, pracy i času jany vymahajuć bolš, ale heta mała chto zaŭvažaje, bo arnamienty hublajucca na fonie spadnic i znachodziacca daloka ad tvaru, mała chto na ich źviartaje ŭvahu», — zaŭvažaje śpiavačka.

Heta ŭžo nie pieršy narodny stroj, pašyty joj. 

Try miesiacy pracy: śpiavačka Kaciaryna Vadanosava pašyła biełaruski narodny stroj FOTY

Vadanosava pra rak: Cud nie adbyŭsia. U mianie budzie jašče adna apieracyja

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
40
Панылы сорам
0
Ха-ха
4
Ого
1
Сумна
0
Абуральна
2
1
Myš/adkazać/
25.04.2023
Cudoŭny stroj z ruk pryhažuni, asałoda dla vačej <3
0
Dzied/adkazać/
26.04.2023
Małojca! Załatyja ruki!
0
Litvin/adkazać/
26.04.2023
Vydatnaja praca i daj Boh joj sił i zdaroŭja zrabić jašče mnoha tysiač takich prac!
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera