U Vilni pačałasia Kanfierencyja biełarusaŭ śvietu
22—23 krasavika ŭ Vilni prachodzić II Kanfierencyja biełarusaŭ śvietu, jakuju inicyjavała Śviatłana Cichanoŭskaja.
Śviatłana Cichanoŭskaja adkryła Kanfierencyju i pavitała jaje ŭdzielnikaŭ.
«Na nas vialikaja adkaznaść, bo ciapier my hołas 9 miljonaŭ biełarusaŭ. Biełarusaŭ, jakija kožny dzień žyvuć u strachu za svaje žyćci, bo represii ŭ Biełarusi praciahvajucca. Biełarusaŭ, jakija nie viedajuć, što budzie zaŭtra, bo z-za stanu ekanomiki ŭ krainie jany nie žyvuć, a vyžyvajuć. Biełarusaŭ, jakija suprać vajny, suprać raźmiaščeńnia jadziernaj zbroi i dyktatury.
Chtości skaža, što Cichanoŭskaja čarhovy raz sabrała kanfierencyju, ale pierš za ŭsio heta adkaz na zapyt biełaruskaj dyjaspary.
Heta placoŭka, kab adkazać na pytańni, vybudavać bolš ciopłyja adnosiny, vypracavać miechanizm bolš ščylnaj supracy pamiž palityčnymi strukturami i inicyjatyvami biełarusaŭ śvietu, raspracavać kroki na padtrymku biełarusaŭ u Biełarusi, palitźniavolenych i ich siemjaŭ», — skazała Śviatłana Cichanoŭskaja.
cikava - fiłałahinia Śvieta viedaje takija moŭnyja niuansy ? )