Znajści
Ałharytmičny łacinski varyjant
27.05.2024 / 13:142RusŁacBieł

Navukoŭcy prahnazujuć značny skačok praciahłaści žyćcia da 2050 hoda ŭ Biełarusi

Što paŭpłyvaje na heta? I što źmienicca ŭ susiedziaŭ?

Vyniki daśledavańnia, apublikavanyja ŭ časopisie The Lancet, pradkazvajuć rost hłabalnaj praciahłaści žyćcia na 4,9 hoda dla mužčyn i na 4,2 hoda dla žančyn da 2050 hoda.

Čakajecca, što najbolšy pryrost budzie naziracca ŭ krainach ź nizkaj čakanaj praciahłaściu žyćcia. Heta paspryjaje zbližeńniu čakanaj praciahłaści žyćcia ŭ roznych rehijonach.

Adznačajecca, što hetaja tendencyja šmat u čym abumoŭlenaja mierami hramadskaj achovy zdaroŭja, jakija dazvolili praduchilić i palepšyć pakazčyki vyžyvalnaści pry sardečna-sasudzistych zachvorvańniach, COVID-19 i CMNN-zachvorvańniach (infiekcyjnych, maciarynskich, nieanatalnych i alimientarnych).

Daśledavańnie pakazvaje, što praciahvajecca źmiaščeńnie ciažaru chvarob u bok nieinfiekcyjnych zachvorvańniaŭ (NCD) — takich jak sardečna-sasudzistyja, rak, chraničnaja abstruktyŭnaja chvaroba lohkich i dyjabiet. Samymi važkimi faktarami ryzyki ich raźvićcia buduć atłuścieńnie, vysoki kryviany cisk, nieaptymalnaje charčavańnie i kureńnie.

Vučonyja prahnazujuć, što ŭ budučym usio bolš ludziej stanie žyć daŭžej, ale pry hetym bolš hadoŭ buduć pravodzić va ŭmovach drennaha zdaroŭja. Zhodna z prahnozami, čakanaja praciahłaść žyćcia ŭ śviecie pavialičycca z 73,6 hoda ŭ 2022 hodzie da 78,1 hoda ŭ 2050 hodzie.

Krynica: materyjały artykuła

Hłabalnaja čakanaja praciahłaść zdarovaha žyćcia (HALE) — siaredniaja kolkaść hadoŭ, jakija čałaviek moža pražyć u dobrym stanie zdaroŭja, — pavialičycca z 64,8 hoda ŭ 2022 hodzie da 67,4 hoda ŭ 2050 hodzie.

Što tyčycca Biełarusi, to ŭ nas siaredniaja praciahłaść žyćcia žančyn składzie 82 hady (+6,3), što bolš za hłabalny prahnoz i dla rehijonu Centralnaj i Uschodniaj Jeŭropy, i Centralnaj Azii.

Pry hetym u dobrym stanie zdaroŭja (HALE) biełaruskija žančyny, narodžanyja ŭ 2050-m, zmohuć dažyć da 70,9 hoda (+4,7 hoda).

A voś prahnoz dla mužčyn vyhladaje nie takim aptymistyčnym. Čakajecca, što narodžanyja ŭ 2050 hodzie mužčyny buduć žyć 73,6 hoda, što na 1,9 hoda mieniej za rehijanalny pakazčyk i na 2,4 za hłabalny.

Što tyčycca hadoŭ z dobrym stanam zdaroŭja (HALE), to ich budzie 65,1. Pryrost składzie 5,2 hoda, što bolš za siaredni pa płaniecie.

Krynica: materyjały artykuła

Pry hetym prahnoz ahulnaj praciahłaści žyćcia i HALE jak dla mužčyn, tak i dla žančyn vyhladaje lepšym za Rasiju i Ukrainu, ale horšym za Estoniju, Litvu, Łatviju i Małdovu.

Aŭtary daśledavańnia adznačajuć, što zaŭvažyli tendencyju na źmianšeńnie niaroŭnaści ŭ praciahłaści žyćcia pamiž rehijonami z samym vysokim i samym nizkim uzroŭniem dachodu. Pryčym najbolšy rost pakazčyku čakajecca ŭ krainach Afryki na poŭdzień ad Sachary.

Najbolšaja mahčymaść paskoryć skaračeńnie hłabalnaha ciažaru chvarob — heta palityčnyja miery, nakiravanyja na prafiłaktyku i źmiakčeńnie faktaraŭ ryzyki, źviazanych z ładam žyćcia i charčavańniem.

@nashanivanews Niebiaśpiečnaja chvaroba pahražaje biełarusam #biełaruś#bolezń#biešienstvo#korovy#našaniva#biełaruskajamova#bruciellez♬ Crime Scene - Avery Alexander

Čytajcie taksama:

Adna-dzieviać cyharet u dzień źmianšaje praciahłaść žyćcia na čatyry hady

Navukoŭcy znajšli ŭ kišačniku fiermient, jaki ŭpłyvaje na praciahłaść žyćcia, i zdoleli padoŭžyć žyćcio much

Siadziačy ład žyćcia skaračaje jaho praciahłaść

Antoś Župran

Chočaš padzialicca važnaj infarmacyjaj
ananimna i kanfidencyjna?

Клас
6
Панылы сорам
5
Ха-ха
5
Ого
5
Сумна
6
Абуральна
4
28.05.2024
količiestvo i KAČIESTVO doktorov v sasutie hovorit ob obratnom.....
28.05.2024
https://gazetaby.com/post/vrach-beloveshkin-zdorove-belarusskoj-nacii-krajne-nizkoe-imeyushhee-t/200583/

staťja v tiemu
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930