Hłuskija enierhietyki pierasialili busła, z-za jakoha ŭ vioscy prapadała elektryčnaść
U vioscy Barysaŭščyna Hłuskaha rajona prajšła śpiecyjalnaja apieracyja «Žytło dla busła». Miascovyja enierhietyki śpiecyjalna dla adnaho busła pastavili novuju aporu biez elektryčnaści, kab ptuška mahła raźmiaścić na joj svajo hniazdo, piša rajonnaja hazieta «Radzima».
Raniej busieł viŭ hniazdo na apory z pravadami, i tamu ŭ vioscy ŭžo niekalki razoŭ za hetuju viasnu prapadała elektryčnaść — halinki padali na pravady i zamykali ich.
Buślanku niekalki razoŭ razburali, ale busły prajaŭlali nastojlivaść i raz za razam jaje adnaŭlali.
«Tak było ŭžo razoŭ piać-šeść, i kožny raz busieł znoŭ braŭsia za svajo budaŭnictva. Čaściej za ŭsio ptuški ŭ takich vypadkach znachodziać sabie novyja miescy. A hety — nie, mabyć, nadta jamu tut spadabałasia. Bačačy takuju nastojlivaść, enierhietyki pajšli ptušcy nasustrač: pobač ź dziejučaj aporaj vyrašyli pastavić inšuju, biez pravadoŭ, ale sa śpiecyjalna zroblenym karkasam, kab na im łaćviej budavałasia i nadziejna trymałasia hniazdo, navat i haliny tudy pieranieśli», — raskazaŭ redakcyi «Radzimy» načalnik rajona elektrasietak Siarhiej Myškaviec.
Čytajcie taksama:
U Siemukačach na Mahiloŭščynie paśla zimoŭki vypuścili na volu busła VIDEA
U Livanie brakańjery stralajuć busłoŭ dziela zabavy
U pošukach ježy busły vyjšli na paleskija darohi FOTA i VIDEA
