Jak pačyścić i abaranić vaš YouTube — padrabiazny hajd
Apošnim časam łukašysty pačali praviarać padpiski, łajki i kamientary na płatformie YouTube. Raskazvajem, jak abaranicca.
Jak pačyścić vaš akaŭnt na YouTube całkam
Adziny sposab nadziejna vydalić usie vašy źviestki ź jutuba — heta vydalić abo schavać vaš kanał. Zrabić heta možna tolki z braŭziernaj viersii jutuba.
Dla hetaha ŭvajdzicie ŭ «Nałady», nacisnuŭšy na ikonku z tryma haryzantalnymi linijami.
Vonkavy vyhlad mieniu YouTube
- Paśla hetaha abiarycie punkt «Pašyranyja nałady».
Skrynšot punkta «Nałady» mieniu YouTube. Naciśnicie «Pašyranyja nałady»
- Tam abiarycie punkt «Vydalić kanał».
Skrynšot punkta mieniu «Pašyranyja nałady». Naciśnicie «Vydalić kanał»
- Paśla hetaha jašče raz uviadzicie vaš parol ad akaŭnta.
- Dalej abiarycie adnu ź dźviuch opcyj.
Kali vy abirajecie opcyju «Ja chaču schavać svoj kanał», to vydalajucca ŭsie vašy kamientary i adkazy na kamientary, ale zachoŭvajucca vašy videa, łajki dy padpiski.
Vyhlad mieniu «Vydaleńnie źmieściva YouTube»
Kali vy abieracie «Ja chaču vydalić svajo źmieściva nazaŭsiody», to vydalacca ŭsie vašy źviestki: łajki, padpiski, kamientary, videa i padpisanty. Adnavić ich budzie niemahčyma i paśla hetaha vam daviadziecca zarehistravacca na YouTube nanova, kab zajmieć akaŭnt (abo nie karystacca akaŭntam jutuba, ale tady vy nie zdolejecie padpisvacca i łajkać videa).
- Kab skarystacca niejkaj z opcyj, paćvierdzicie ŭsie punkty śpisa i naciśnicie na siniuju knopku.
Vyhlad vybaru opcyi «Ja chaču vydalić svajo źmieściva nazaŭsiody»
Pieravaha pieršaha punkta ŭ tym, što vy nie zhubicie vašy padpiski i historyju, ale heta moža mieć peŭnuju ryzyku. U druhim varyjancie ŭ vas budzie całkam čysty akaŭnt.
Jak adklučyć zachavańnie historyi YouTube i ačyścić historyju prahledžanych videa
Spačatku vam treba pierajści ŭ servis «Historyja YouTube». Zrabić heta možna abo pa pramoj spasyłcy, abo praz «Nałady». My pakažam heta na prykładzie Android (uvajści ŭ nałady ŭ braŭziery vam dapamoža instrukcyja ź minułaha punkta).
- Spačatku adkryjcie prahramu YouTube i naciśnicie na ikonku vašaha akaŭnta ŭ pravym vierchnim kucie.
- Dalej abiarycie punkt «Nałady».
Nałady YouTube na Android
- U naładach pierajdzicie ŭ punkt «Kiravać usioj historyjaj».
Nałady YouTube na Android. Naciśnicie «Kiravać usioj historyjaj»
- Ciapier u mieniu vy pabačycie, ci ŭklučana ŭ vas zachavańnie historyi. Kali tak — naciśnicie na punkt «Historyja YouTube zachoŭvajecca».
Vyhlad mieniu «Historyja YouTube» na Android. Paśla z hetaha ž mieniu, ale ŭ punkcie «Uzajemadziejańni» možna vydalić usio astatniaje
- Paśla hetaha vas pierakinie ŭ punkt mieniu «Srodki kiravańnia», dzie vy musicie nacisnuć knopku «Vyklučyć».
Punkt mieniu «Srodki kiravańnia»
- Prahartajcie ŭniz tekstu, jaki ŭspłyvie paśla naciskańnia knopki. Naciśnicie «Prypynić».
Spynicie zachoŭvańnie historyi YouTube
- Ciapier vaša mieniu budzie vyhladać voś tak. Ale źnizu budzie staraja ŭžo zachavanaja historyja.
Punkt mieniu «Historyja» z vyklučanym zachavańniem historyi
- Kab jaje vydalić, naciśnicie «Vydalić» i abiarycie «Za ŭvieś čas».
Jak vydalić usie łajki ŭ jutubie
Dla hetaha vam treba ŭvajści ŭ punkt «Uzajemadziejańni» mieniu «Maje dziejańni». Zrabić heta možna abo pa pramoj spasyłcy, abo z naładaŭ. U prykładzie pakazvajem braŭziernuju viersiju (dla Android možna ŭvajści praź instrukcyju vyšej praz punkt «Kiravać usioj historyjaj»).
- Spačatku ŭvajdzicie ŭ «Nałady», nacisnuŭšy na ikonku z tryma haryzantalnymi linijami. Abiarycie punkt «Historyja».
Vonkavy vyhlad mieniu YouTube
- Naciśnicie punkt «Kiravać usioj historyjaj» u pravym baku.
Vyhlad mieniu «Kiravać usioj historyjaj»
- U mieniu abiarycie punkt «Uzajemadziejańni».
Skrynšot mieniu «Uzajemadziejańni» ŭ «Historyi YouTube»
- Dalej pierajdzicie ŭ punkt «Adznaki «Padabajecca» i «Nie padabajecca» da videa».
Skrynšot mieniu «Adznaki «Padabajecca» i «Nie padabajecca» na videa YouTube»
- Tut možna abrać punkt «Vydalić usio» i nacisnuć «Vydalić» — historyja vašych łajkaŭ całkam vydalicca.
Vyhlad paćviardžeńnia vydaleńnia historyi vašych łajkaŭ. Naciśnicie «Vydalić»
- Dalej viarniciesia nazad i abiarycie punkt «Adznaki «Padabajecca» i «Nie padabajecca» da kamientaryjaŭ». Tut niama takoj zručnaj funkcyi «Vydalić usio», ale možna vydalić ich pa adnym.
Skrynšot mieniu «Adznaki «Padabajecca» i «Nie padabajecca» na kamientaryjach YouTube»
- Dla hetaha naciśnicie na «kryžyk» kala kamientara, a paśla paćvierdzicie vydaleńnie, nacisnuŭšy «Vydalić».
- Viarniciesia nazad u mieniu «Uzajemadziejańni». Abiarycie punkt «Publikacyi dla supolnaściej». Tam znachodziacca publikacyi, jakija vy ŭpadabali, ale jakija aformlenyja jak tekstavyja pasty ŭ stužcy YouTube.
Mieniu «Uzajemadziejańni» ŭ Google «Maje dziejańni»
- Abiarycie punkt «Vydalić usio» ź levaha boku. Paćvierdzicie vydaleńnie, nacisnuŭšy knopku «Vydalić».
Skrynšot mieniu «Vašy dziejańni z publikacyjami na YouTube»
Jak vydalić kamientary i paviedamleńni ŭ čatach u jutubie
- Kab vydalić kamientary, pierajdzicie nazad u tym ža punkcie mieniu «Uzajemadziejańni», tolki abiarycie punkt «Kamientaryi dy adkazy». Tam taksama niemahčyma vydalić usie kamientary, tamu treba vydalać ich «paštučna», naciskajučy na «kryžyki».
Skrynšot mieniu «Vašy kamientaryi ŭ servisie YouTube»
- Paśla hetaha viarniciesia ŭ mieniu «Uzajemadziejańni» i abiarycie punkt «Paviedamleńni ŭ interaktyŭnym čacie». Tut «schiema» takaja ž — ich možna vydalać tolki pa adnym.
Skrynšot mieniu «Vašy paviedamleńni ŭ čacie na YouTube Live»
Jak pačyścić vašy padpiski na YouTube
- Viarniciesia ŭ mieniu «Uzajemadziejańni» i abiarycie punkt «Padpiski na kanały». Tam vy možacie prahladzieć uvieś śpis kanałaŭ i adpisacca ad ich pa adnym.
Skrynšot mieniu «Padpiski vašaha kanała YouTube»
«Naša Niva» — bastyjon biełaruščyny
PADTRYMAĆČytajcie taksama:
Što mienavita siłaviki praviarajuć u smartfonach zatrymanych biełarusaŭ i jak abaranicca
Jak nadziejna vyčyścić foty z vašych smartfonaŭ — padrabiazny hajd
