U Baranavičach mužčyna ŭsiu noč prasiadzieŭ na słupie
Paviedamleńnie pra toje, što na aporu linii elektrapieradačy zalez čałaviek, pastupiła pozna ŭnačy 15 sakavika, raspaviali «NK» u Baranavickim HRANS.
U Paŭnočnym mikrarajonie vyratavalniki sapraŭdy znajšli chłopca, jaki siadzieŭ na apory linii elektrapieradačy vysoka nad ziamloj.
Supracoŭniki MNS pačali padymacca da maładoha čałavieka, kab dapamahčy jamu spuścicca ŭniz. Zaŭvažyŭšy heta, chłopiec «imkliva pačaŭ padnimacca jašče vyšej».
Zatym spyniŭsia i zapeŭniŭ, što zaraz spuścicca sam. Adnak zamiest hetaha, naadvarot, palez uhoru.
Tak praciahvałasia ŭsiu noč: chłopiec to pahražaŭ, što voś-voś kiniecca na ziamlu, to prasiŭ śpiecsłužby zjechać, bo źbirajecca spuskacca.
U vyniku z apory małady čałaviek usio ž źlez prykładna ŭ 6:30 i adrazu ž kinuŭsia ŭciakać. Supracoŭniki MNS dahnali jaho i pieradali bryhadzie chutkaj dapamohi.
Matyvy ŭčynku nieviadomyja.
