HUBAZiK robić naloty na siemji i znajomych bajcoŭ Pałka Kalinoŭskaha
Siłaviki adpracoŭvajuć suviazi biełarusaŭ, jakija trapili ŭ śpisy tak zvanych «ekstremistaŭ i terarystaŭ», zajaviŭ načalnik HUBAZiK MUS Andrej Ananienka.
Pavodle jaho, «udzielniki ekstremisckich i terarystyčnych arhanizacyj, jakija znachodziacca za miažoj, takich, jak Połk Kalinoŭskaha i inšych uzbrojenych farmavańniaŭ, vynošvajuć płany pa destabilizacyi abstanoŭki ŭ Biełarusi».
HUBAZiK ličyć, što pakolki ŭ Biełarusi ŭ tych, chto źjechaŭ za miažu, zastalisia suviazi (u tym liku «svajaki i znajomyja»), jany mohuć sadziejničać «ekstremisckaj dziejnaści».
«Suviazi biełaruskich najmitaŭ, jakija vajujuć u składzie niezakonnych uzbrojenych farmavańniaŭ na terytoryi Ukrainy, zafiksavanyja i sistemna adpracoŭvajucca na pradmiet padryŭnoj dziejnaści ŭnutry krainy i akazańnia sadziejničańnia zamiežnym radykalnym inicyjatyvam. Rabota ŭ hetym napramku ŭsimi padraździaleńniami orhanaŭ unutranych spraŭ praciahvajecca», — paviedamlaje MUS.
Pavodle MUS, z pačatku minułaha hoda da kryminalnaj adkaznaści pryciahnutyja 11 čałaviek za sprobu vyjezdu ź Biełarusi dla ŭstupleńnia ŭ vajenizavanyja farmavańni va Ukrainie.
