Premjer-ministr Hruzii abvinavaciŭ źniešnija siły ŭ sprobach uciahnuć jaho krainu ŭ vajnu z Rasijaj. Zhadaŭ i Zialenskaha
Pavodle słoŭ Iraklija Harybašvili, uciahvańnie Hruzii va ŭzbrojeny kanflikt z Rasijaj było zapłanavanaje peŭnymi źniešnimi siłami značna raniej, čym pačałasia vajna va Ukrainie.
«Va Ukrainie čakajecca jašče bolšaja eskałacyja vajennych dziejańniaŭ, i mnohija źniešnija siły zacikaŭlenyja ŭ adkryćci na terytoryi Hruzii «druhoha frontu». Inakš jak rastłumačyć, što prezident Ukrainy Zialenski padčas vajennych dziejańniaŭ u svajoj krainie znachodzić čas dla zvarotu da niekalkich tysiač udzielnikaŭ «destruktyŭnaj akcyi» u Hruzii», — zajaviŭ Harybašvili ŭ intervju telekampanii «Imiedzi».
Harybašvili zapeŭniŭ, što ciapier ułady Hruzii poŭnaściu kantralujuć situacyju i «nie dapuściać nijakich destruktyŭnych dziejańniaŭ».
Raniej parłamient Hruzii adklikaŭ zakonaprajekt «ab zamiežnych ahientach», jaki vyklikaŭ masavyja pratesty.