Mintrans nazvaŭ źviestki pra płanavanyja zvalnieńni na čyhuncy ŭkidam
Ministerstva transpartu i kamunikacyj apieratyŭna adreahavała na infarmacyju, što nibyta na Biełaruskaj čyhuncy rychtujucca masavyja zvalnieńni, admaŭlajučy jaje praŭdzivaść.
«U šerahu internet-krynic źjavilisia paviedamleńni pra nibyta zapłanavanyja masavyja skaračeńni na Biełaruskaj čyhuncy. Hetyja «infarmacyjnyja ŭkidy» nie adpaviadajuć rečaisnaści», — zajaviła pres-słužba ministerstva.
Taksama Mintrans źviarnuŭ uvahu na nieabchodnaść karystacca aficyjnymi krynicami infarmacyi, jak «pravieranymi i dakładnymi».
Siońnia «Supolnaść biełaruskich čyhunačnikaŭ» paviedamiła, što, pavodle jaje krynic, BČ płanuje skaracić kala 8 tysiač čałaviek u suviazi z pamianšeńniem dachodaŭ ad pieravozak z-za dziejańnia sankcyj.
Čytajcie taksama:
BČ płanuje zvolnić 8 tysiač supracoŭnikaŭ — «Supolnaść čyhunačnikaŭ»
Biełaruskaja čyhunka choča pryciahnuć 5 miljonaŭ dalaraŭ ad prodažu tokienaŭ
