Мінтранс назваў звесткі пра планаваныя звальненні на чыгунцы ўкідам
Міністэрства транспарту і камунікацый аператыўна адрэагавала на інфармацыю, што нібыта на Беларускай чыгунцы рыхтуюцца масавыя звальненні, адмаўляючы яе праўдзівасць.
«У шэрагу інтэрнэт-крыніц з'явіліся паведамленні пра нібыта запланаваныя масавыя скарачэнні на Беларускай чыгунцы. Гэтыя «інфармацыйныя ўкіды» не адпавядаюць рэчаіснасці», — заявіла прэс-служба міністэрства.
Таксама Мінтранс звярнуў увагу на неабходнасць карыстацца афіцыйнымі крыніцамі інфармацыі, як «праверанымі і дакладнымі».
Сёння «Супольнасць беларускіх чыгуначнікаў» паведаміла, што, паводле яе крыніц, БЧ плануе скараціць каля 8 тысяч чалавек у сувязі з памяншэннем даходаў ад перавозак з-за дзеяння санкцый.
Чытайце таксама:
БЧ плануе звольніць 8 тысяч супрацоўнікаў — «Супольнасць чыгуначнікаў»
Беларуская чыгунка хоча прыцягнуць 5 мільёнаў даляраў ад продажу токенаў
