Śnieh u Hrodnie vyklikaŭ 10-balnyja zatory na darohach. Staić nie tolki centr
U piatničnyja hadziny pik abłasny centr zachras u zatorach.
Pa stanie na 17:30 u Hrodnie, pavodle servisu «JandieksProbki», nazirajucca 10-balnyja zatory.
Najbolš zahružanaja centralnaja častka horada. Taksama vielizarnyja zatory nazirajucca na vulicy Dziaržynskaha ad płoščy Tyzienhaŭza da 17 Vieraśnia, na vulicy Horkaha ad Vilenskaj da Kurčatava. Taksama bujnyja zatory na značnaj častcy ŭnutryharadskoj kalcavoj mahistrali ad vulicy Bołdzina da Rumloŭskaha mosta.
U Kastryčnickim rajonie horada najbolš zahružanymi zastajecca kalco la fiłarmonii i vulica Savieckich Pahraničnikaŭ.
Niepahadź vyklikała šerah DTZ, jakija ŭskładniajuć ruch transpartu.
Dla paraŭnańnia, u Minsku ŭ toj samy čas zatory składali tolki vosiem bałaŭ ź dziesiaci mahčymych.
Mocny śnieh ciapier idzie pa ŭsioj Haradzienščynie i Vilenščynie.
