BiełTA pačało publikavać videa z zatrymanymi
U telehram-kanale dziaržaŭnaha infarmahienctva źjaviŭsia rolik z aryštavanym žycharom Vaŭkavyska. Raniej takija videa źjaŭlalisia tolki ŭ telehram-kanałach prapahandystaŭ i siłavikoŭ.
Zatrymanaha zavuć Źmicier Marozaŭ, BiełTA ŭ svaim paście nazyvaje jaho aktyŭnym udzielnikam pratestaŭ. Pavodle kanała, mužčyna ciapier znachodzicca pad vartaj, jamu inkryminujecca ŭchileńnie ad spłaty padatkaŭ i hvałt abo pahroza prymianieńnia hvałtu ŭ dačynieńni da supracoŭnika orhana ŭnutranych spraŭ.
Z 2020 hoda ŭ Biełarusi adbyłosia kala 50 tysiač palityčna matyvavanych zatrymańniaŭ. Zaviedziena kala 12 tysiač palityčna matyvavanych kryminalnych spraŭ, pa jakich prachodziać dziasiatki tysiač ludziej. Vialikaja kolkaść ludziej vymušanaja była pakinuć krainu, ratujučysia ad represij.
Pakazalna, što raniej na resursach BiełTA nie publikavalisia videa z zatrymanymi biełarusami, hetym zajmalisia administratary telehram-kanałaŭ, źviazanych ź biełaruskimi siłavikami.
Šmat jakija z takich kanałaŭ byli zabłakavany Telegram u vyniku šmatlikich skarhaŭ karystalnikaŭ na raspaŭsiud hvałtu. Mahčyma, taki los čakaje zaraz i kanał BiełTA.
Čytajcie taksama:
Ci zatrymali tych biełarusaŭ, chto vyvieŭ z ładu samalot u Mačuliščach? Nikoha nie pakazali
Da hetaha tam była zaŭsiedy 1-2 tysiačy prahladaŭ (i toje ad etničnych rasiejan) a zaraz nibyta dzsiaki abo sotni tysiačaŭ chachachach
"Nie palacca"