Stary chit «Pieśniaroŭ» uvajšoŭ u saŭndtrek da kampjutarnaj hulni
U internecie źjaviŭsia saŭndtrek hulni Atomic Heart, jaki składajecca ź viadomych savieckich piesień u technaapracoŭcy. Adkryvaje zborku kampazicyja «Kasiŭ Jaś kaniušynu» słavutaha hurta «Pieśniary», piša «Kamsamolskaja praŭda».
Atomic Heart — adna z samych papularnych kampjutarnych hulniaŭ. Jaje aficyjny reliz adbyŭsia 21 lutaha 2023 hoda. Dziejańnie Atomic Heart adbyvajecca ŭ 1955 hodzie ŭ SSSR, dzie robaty vyjšli z-pad kantrolu. Hałoŭny hieroj hulni — ahient Siarhiej Niačajeŭ, jamu treba budzie zmahacca z robatami i vyśvietlić, jak heta mahło adbycca.
Hulnia padabajecca karystalnikam realistyčnaj hrafikaj.
Usiaho ŭ hulni hučać 18 kampazicyj, i remiksy starych piesień spadabalisia, jak vyhladaje, nie tolki jaje amataram, ale i prostym słuchačam. Mnohija kampazicyi zalacieli adrazu ž u vierchnija radki muzyčnych čartaŭ. «Kasiŭ Jaś kaniušynu» ad viadomaha elektronnaha muzyki Mujuice — čaćviortaja pa papularnaści.
