Litoŭskaja raźviedka: Biełaruś i «Rasatam» zamoŭčvajuć incydenty na Astravieckaj AES
Rasijskaja jadziernaja karparacyja «Rasatam» nie moža harantavać nadziejnaść i biaśpieku svaich technałohij. Heta dakazvajuć incydenty, jakija adbylisia na Astravieckaj AES u Biełarusi ŭ 2022 hodzie, paviedamlaje raźviedka Litvy. Pavodle jaje, toje, što robicca na AES, składaje pahrozu jadziernaj i ŭvohule nacyjanalnaj biaśpiecy Litvy.
«Technałohii «Rasatama», jakija sprabujuć zachavać svaje pazicyi na rynku jadziernaj enierhietyki, majuć niedachopy, choć karparacyja śćviardžaje, što jany adpaviadajuć vysokim standartam jadziernaj biaśpieki», — pišuć Departamient dziaržaŭnaj biaśpieki (VSD) i Druhi departamient apieratyŭnych słužbaŭ (AOTD) Ministerstva nacyjanalnaj abarony Litvy ŭ štohadovaj acency pahroz, apublikavanaj u čaćvier.
Pavodle źviestak litoŭskaj raźviedki, Biełaruś i «Rasatam» zamoŭčvali incydenty i defiekty reaktarnaj sistemy, jakija adbylisia letaś na pieršym i druhim błokach AES.
Letaś u krasaviku pieršy błok AES spynili na płanavy ramont, ale pra vyjaŭlenyja padčas jaho defekty ničoha nie paviedamlałasia.
Zhodna z acenkaj,
u mai 2022 hoda sistemy kiravańnia elektrastancyjaj vyjavili raskoliny na zvarnych švach vierchnich štyftaŭ korpusa adnaho reaktara błoka.
Na dumku ekśpiertaŭ, jakasna likvidavać defiekty možna było b tolki paśla demantažu reaktara, ale z palityčnych mierkavańniaŭ takoje rašeńnie navat nie razhladałasia.
Mienavita techničnyja prablemy, jak śćviardžajecca, nie dazvolili režymu Łukašenki svoječasova zapuścić druhi błok elektrastancyi. Jon musiŭ być uviedzieny ŭ ekspłuatacyju ŭ minułym hodzie, ale
ŭ lutym było zafiksavana, što ŭ chimičnym składzie vady ŭ pieršym cyrkulacyjnym kontury, jaki astudžaje reaktar błoka, adbylisia źmieny, jana zabrudžanaja smołami. Tamu spatrebiłasia miechaničnaja ačystka ŭsiaho trubapravoda kontura i vyhruzka jadziernaha paliva.
Vielmi vierahodna, što techničnyja niedachopy Astravieckaj AES nie buduć vypraŭlenyja navat paśla zapusku druhoha błoka, adznačaje litoŭskaja raźviedka.
