Za hod biaźvizavaha režymu ŭ Biełarusi zatrymali 18 padarožnikaŭ z Łatvii
Niahledziačy na toje, što łatvijskija hramadzianie dahetul mohuć naviedvać Biełaruś bieź vizy, Ministerstva zamiežnych spraŭ Łatvii zaklikaje hetaha nie rabić. I dla pierakanaŭčaści pryvodzić statystyku, piša Delfi.lv.
Fota ilustracyjnaje
Pry ŭjeździe ŭ Biełaruś žychary Łatvii mohuć padvierhnucca pravakacyjam z boku biełaruskich śpiecsłužbaŭ, być iłžyva abvinavačanymi ŭ parušeńni biełaruskich zakonaŭ i navat aryštavanyja, śćviardžaje łatvijskaje MZS.
Tak, z momantu ŭviadzieńnia biaźvizavaha režymu ŭ krasaviku 2022 hoda ŭ Biełarusi aryštavali ŭžo 18 hramadzian Łatvii, jakich Biełaruś abvinavačvaje ŭ roznych parušeńniach zakonu.
U miascovym MZS nahadvajuć, što z-za adsutnaści zakonnaści ŭ Biełarusi mahčymaści łatvijskaj dziaržavy pa akazańni dapamohi hramadzianam Łatvii, kali ź imi niešta zdarycca, vielmi abmiežavanyja.
Čytajcie taksama:
«Kala 450 tysiač zamiežnikaŭ naviedała Biełaruś pa biaźvizie». Praŭda? Vyhladaje, što ŭ razy mienš
Palakam dazvolać zajazdžać u Biełaruś pa biaźvizie praź lubyja punkty propusku
Łukašenka padoŭžyŭ na hod biaźvizavy režym dla susiedziaŭ ź Jeŭrasajuza
