Znajści
Ałharytmičny łacinski varyjant
08.03.2023 / 10:451RusŁacBieł

Biełaruski hurt, jaki bližej za ŭsich byŭ da «Hremi»

Niezvyčajnuju historyju adnaho biełaruskaha muzyčnaha kalektyvu zhadaŭ telehram-kanał @backtobelarus.

«Ajčynnaja muzyka — heta zvyčajna historyi ź niaščasnym finałam. Imklivy ŭzdym: fiestyvali, kancerty, pieršyja relizy, a paśla adzinkavym kalektyvam udałosia dać rady budzionnaści i minimalnaj mahčymaści zarablać u krainie muzykaj.

Tak zdaryłasia i z hierojami siońniašniaha apoviedu. IQ48 («zdarovyja łasi») źjavilisia ŭ 2000-m, praz try hady vyjhrali «Basovišča» i jašče praź piać byli tam chedłajnierami. Pamiž hetym byli festy ŭ krainach Bałtyi, va Ukrainie i ŭ Polščy, zdymki klipaŭ i zapis pieršych dvuch albomaŭ: «Varjaty» i «Hieroi».

Usio svajo muzyčnaje žyćcio «zdarovyja łasi» ekśpierymientavali sa stylami. Kali ŭsio pačynałasia z sumiesi fanka, ska i repa z saksafonam u jakaści «razynački», to albomy HMR i «Trymaj svoj čas» — heta sproby ŭ biełaruski Rage Against The Machine z sacyjalnaj tematykaj tekstaŭ. Niezdarma ŭ IQ48 jość kaviery na kultavy amierykanski hurt.

Siarod inšych admietnaściaŭ — himn futbolnaha «Šachciora» ŭ siaredzinie nulavych, pieśni na vieršy Michała Aniempadystava («Schavanaje serca», «Śviatło ŭ ciemry»), pieršy ŭ krainie DVD-Unplugged.

Skončyłasia ž usio dastatkova prazaična: paśla vychadu alboma «Trymaj svoj čas» u 2016-m z hurta syšoŭ jaho zasnavalnik i hitaryst Jaŭhien Buzoŭski. Bieź jaho ŭžo ničoha nie atrymałasia. Pra ličbavuju spadčynu admietny biełaruski hurt nie padumaŭ — na stryminhavych servisach vy nie znojdziecie dyskahrafii IQ48.

Dyk pry čym tut «Hremi»?

Bubnač IQ48 Anton Maculevič pisaŭ bity, jakija vykładaŭ u siecivie. Jaho muzyka spadabałasia amierykanskamu repieru Fetty Wap. U vyniku sumiesny trek Trap Queen dasiahnuŭ druhoj pazicyi ŭ Billboard, staŭ płacinavym u ZŠA i niekatorych inšych krainach.

Na Spotify trek maje bolš za miljard prasłuchoŭvańniaŭ, u klipa na jutubie 813 miljonaŭ prahladaŭ.

Ale hetaha nie chapiła dla pieramohi ŭ naminacyi «Najlepšaja chip-chop pieśnia». Vyjhraŭ u toj hod Kiendryk Łamar.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
akanom/adkazać/
08.03.2023
A jašče Zyhmantovič
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera