Znajści
Ałharytmičny łacinski varyjant
08.03.2023 / 17:317RusŁacBieł

Vosiem sposabaŭ palepšyć pracu mozhu

Jak prymusić mozh pracavać lepš i aptymizavać svoj fizičny i psichałahičny stan? Voś praktyčnyja rekamiendacyi.

Zdarovaja ježa — adzin z klučoŭ da intelektualnaj spraŭnaści

Mozh padobny da muskułaŭ: treba karystacca im abo źmirycca ź jaho drennym stanam. Na ščaście, jość šmat varyjantaŭ, jak zładzić mozhu treniroŭku: naprykład, navučyciesia hrać na jakim-niebudź instrumiencie, pačnicie vučyć novuju movu, chadzić pa novym maršrucie, znajdzicie sabie novaje chobi ci navučyciesia razhadvać nieznajomuju vam hałavałomku. Takija rečy stymulujuć pracu mozhu.

U internecie možna znajści šmat płatnych prahram dla treniroŭki mozhu. Ale takija prahramy časta abiacajuć zanadta aptymistyčnyja vyniki ci spryjajuć raźvićciu takich navykaŭ, jakija nie nadta patrebnyja ŭ štodzionnym žyćci. Zamiest hetaha pačytajcie novuju knižku niezvyčajnaha dla siabie žanru abo nabudźcie cikavuju hałavałomku. Narešcie, nie złoŭžyvajcie prahladam jutuba i TB, bo heta pasiŭny vid dziejnaści, jaki nie nadta stymuluje pracu mozhu. 

Dla mozha karysnaja fizičnaja aktyŭnaść

Fizičnaja aktyŭnaść niasie karyść nie tolki dla cieła, ale i dla rozumu. Jana palapšaje zabieśpiačeńnie kletak kisłarodam, spryjaje rostu novych niervovych kletak i suviaziej pamiž kletkami mozha. Taksama praktykavańni panižajuć kryviany cisk i ŭzrovień stresu, dy jašče i palapšajuć uzrovień chalesterynu. 

A centr papiaredžańnia i kantrolu za zachvorvańniami (ZŠA) śćviardžaje: kali vyvučyć novyja tancavalnyja ruchi, to heta palepšyć pamiać i chutkaść, ź jakoj mozh apracoŭvaje infarmacyju. Chočacie pravieryć, ci sapraŭdy heta pracuje? Znajdzicie ŭ internecie videa ź cikavymi tancavalnymi ruchami i vyvučycie ich, prychapicie kachanaha čałavieka i adpraŭlajciesia na balnyja tancy abo sami zapišyciesia na zumbu, chip-chop ci salsu.

Dobry son — načny i niepierapynieny

Pakul u vas načny adpačynak, vaš mozh, naadvarot, pracuje i naładžvaje svaju pracu, tamu staŭciesia da snu jak da važnaha elemienta praduktyŭnaha žyćcia. Ź inšaha boku, zanadta šmat snu moža vam naškodzić: naprykład, vyklikać źnižeńnie aktyŭnaści abo atłuścieńnie. Aryjentujciesia na 7—8 hadzin čystaha snu kožnuju noč, ale ŭličvajcie i svajo samaadčuvańnie: kali arhanizm lepš za ŭsio pracuje paśla 9 hadzin snu, značyć, heta vaša norma. Sačycie za tym, kab son nie byŭ pieraryvistym.

Jak kantralavać uzrovień stresu

Lišnija turboty i chvalavańni spryjajuć panižeńniu vynikaŭ u testach na intelekt. Heta ž datyčyć źniasileńnia i depresii — jany taksama paharšajuć našyja intelektualnyja zdolnaści.

Kali adčuvajecie, što stresu ŭ vašym žyćci zašmat, bolš adpačyvajcie i pieraklučajciesia. Dobryja taksama joha, miedytacyja, pryroda i muzyka, jakaja vam padabajecca. Pamiatajcie: naša reakcyja na prablemu moža prynieści nam bolš škody, čym sama prablema.

Kali vy apošni raz brali ŭ ruki karty? Daśledavańnie 2015 hoda, pryśviečanaje aktyŭnaściam, što stymulujuć mozh, pakazała: navat karotkaja partyja ŭ karty pavyšaje aktyŭnaść niekatorych učastkaŭ hałaŭnoha mozha. Jašče adzin plus — hulnia ŭ karty palapšaje pamiać i razumovyja zdolnaści.

A pavodle daśledavańnia 2015 hoda, asabliva karysnyja dla mozha tyja vidy dziejnaści, pry jakich zadziejničanyja ŭsie orhany pačućciaŭ: smak, dotyk, niuch, zrok i słych, lepš kali adnačasova.

Jakaja ježa dobraja dla mozha

Dla mozha krytyčna važna, kab jaho ŭładalnik dobra jeŭ. Idealnaja dyjeta vyhladaje tak: maksimum harodniny i sadaviny, karysnaha aleju i ryby, minimum fast-fudu, u mieru tłuščaŭ.

Niekatoryja vidy harodniny palapšajuć pamiać i pracu mozhu ŭ cełym. Heta charakterna dla brokali, špinatu i pamidoraŭ, a taksama dla niekatorych jahad. 

U tłustaj rybie i niekatorych krupach mnoha kisłot amieha-3, jakija praduchilajuć zapaleńni (u tym liku ŭ mozhu), spryjajuć zachavańniu intelektu i praduchilajuć depresiju, praźmiernuju reakcyju na stres i chvalavańnie. Bahataja na prateiny ježa źmiaščaje šmat aminakisłot, jakija, u svaju čarhu, prymušajuć niejrony vyrablać niejratranśmitary, jakija źviazvajuć z palapšeńniem jasnaści rozumu.

«Naša Niva» — bastyjon biełaruščyny

PADTRYMAĆ

Čytajcie taksama:

«Lubaja zaležnaść — u hałavie». Biełarus kinuŭ kuryć, pić ałkahol i staŭ viehanam. Ën raskazvaje, jakija źmieny ŭ ciele adčuŭ

Čamu niekatoryja typy muzyki prymušajuć naš mozh śpiavać, a inšyja nie

Hienij ci varjat. Navukoŭcy zazirnuli ŭ tajamnicy mozhu talenavitych ludziej i znajšli kluč da ŭźniknieńnia tvorčych idej

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
ale ja/adkazać/
09.03.2023
i heta, Dizajnier. voś vy ŭvieś čas nyjecie, jakija ŭsie nieviasiołyja, a sam ZOŽnik i zanuda šče toj. dzie łohika?
0
łabov/adkazać/
09.03.2023
Vobła, nie - jon ź Jelesielskich palej) 
0
dočka Maksima Dizajniera/adkazać/
09.03.2023
i heta, Dizajnier. daŭnieńka mianie nichto za mužčynu nie prymaŭ. zvyklisia ŭžo) a pieršyja hady - tak - doŭha pavieryć nie mahli, što žanočaha połu. a vy pa chodu točna - z kazarmy nie vychodzili i nie bačyli žančyn

ja ž padpisałasia - ryba - "iana maja" - žanočaha rodu. a chiba byvajuć ryby-mužčyny?
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031