Maładoha ślesara z Homiela adpravili ŭ kałoniju za videa z rasijskaj technikaj
26-hadovaha ślesara z Homiela Arcioma Babkova abvinavacili ŭ «sadziejničańni ekstremisckaj dziejnaści» (č. 1 art. 361-4 Kryminalnaha kodeksa). Prysud jamu vynieśli jašče 23 listapada minuła hoda, ale vyniki stali viadomyja tolki ciapier. Sud prachodziŭ u zakrytym režymie, piša «Viasna».
Ilustracyjny zdymak. Fota: Ministerstva abarony
Spravu razhladaŭ sudździa Homielskaha abłasnoha suda Mikałaj Dola.
Da suda Babkoŭ znachodziŭsia na voli, pad paručalnictvam.
Pa materyjałach abvinavačańnia, Babkoŭ u lutym 2022 hoda raźmiaściŭ u sacyjalnych sietkach publikacyju ź videazapisam pieramiaščeńnia techniki vajenizavanych rasijskich padraździaleńniaŭ, jakija pierasoŭvalisia pa terytoryi Biełarusi, z ukazańniem ich miescaznachodžańnia.
Zatym z dapamohaj mabilnaha telefona razasłaŭ jaho ŭ telehram-kanały, u tym liku ŭ pryznanyja sudom «ekstremisckimi farmavańniami».
Babkovu dali dva hady kałonii va ŭmovach ahulnaha režymu.
Chłopca ŭziali pad vartu ŭ zale suda.
