Ministr enierhietyki raskazaŭ, kali zapracuje druhi enierhabłok Astravieckaj AES
Druhi enierhabłok Biełaruskaj atamnaj elektrastancyi ŭviaduć u pramysłovuju ekspłuatacyju ŭ kastryčniku 2023 hoda.
U krasaviku zapłanavanaje pieršaje probnaje ŭklučeńnie ŭ sietku druhoha enierhabłoka. Pry hetym mahutnaść reaktarnaj ustanoŭki budzie padniataja da 40%. «U krasaviku—vieraśni buduć paśladoŭna ažyćciaŭlacca raboty pa asvajeńni mahutnaści reaktarnaj ustanoŭki da naminalnaj z praviadzieńniem vyprabavańniaŭ u ramkach dośledna-pramysłovaj ekspłuatacyi. Hatoŭnaść da zdačy AES u cełym u adpaviednaści z prahramami ŭvodu ŭ ekspłuatacyju prahnazujecca ŭ kastryčniku 2023 hoda», — raspavioŭ ministr enierhietyki Viktar Karankievič na naradzie ŭ Łukašenki pa pytańniach biełaruskaj AES, piša BiełTA.
Pieršy enierhabłok byŭ uviedzieny ŭ ekspłuatacyju ŭ červieni 2021 hoda. U 2022 hodzie jon prajšoŭ pieršy płanava-papieradžalny ramont i ŭ ciapierašni čas, pa słovach ministra, pracuje na naminalnaj mahutnaści.
«Ahulnaja budaŭničaja i technałahičnaja hatoŭnaść druhoha enierhabłoka składaje kala 98%. Viaducca padrychtoŭčyja pracy na zaviaršalnaj stadyi dla zapusku łancuhovaj reakcyi i vyvadu reaktarnaj ustanoŭki na minimalna kantralavany ŭzrovień — heta 1% mahutnaści reaktara», — adznačyŭ kiraŭnik Minenierha.
