Ukraina zakančvaje aciaplalny siezon z praficytam mahutnaści, a taksama z dastatkovymi zapasami hazu i vuhalu
Pra heta paviedamiŭ ministr enierhietyki Hierman Hałuščanka padčas pašyranaha pasiadžeńnia prezidyuma kanhresa miascovych i rehijanalnych uład pry prezidencie Ukrainy, piša «Ukrainskaja praŭda».
Kiraŭnik ukrainskaha Minenierha paviedamiŭ, što ŭsiaho z kastryčnika minułaha hoda pa enierhietyčnaj infrastruktury Ukrainy Rasijaj była ździejśnienaja 31 pavietranaja ataka, ź jakich 14 — masiravanyja rakietnyja ŭdary i 17 — ataki hrupami dronaŭ-kamikadze.
Trapili pad ataki klučavyja enierhietyčnyja abjekty: ciepłavyja elektrastancyi, ciepłaelektracentrali, hidra- i hidraakumulujučyja stancyi, padstancyi sistemy pieradačy. Akramia taho, na siońnia častka ŭkrainskich hienierujučych mahutnaściej znachodzicca pad časovaj akupacyjaj.
Adnak, niahledziačy na razbureńni, pa słovach ministra, ukrainskija enierhietyki zmahli zachavać enierhasistemu cełasnaj, «kałapsu, na jaki tak spadziavaŭsia vorah, nie zdaryłasia».
«My vychodzim sa składanaj zimy całkam zabiaśpiečanymi palivam — pa stanie na 3 lutaha zapasy vuhalu na składach TES i CEC składajuć 1160 tysiač ton. Heta na 375 tysiač ton bolš, čym na anałahičnuju datu minułaha hoda. Zapasy pryrodnaha hazu ŭ padziemnych schoviščach Ukrainy składajuć — 9,7 młrd kubičnych mietraŭ (blizka da letašnich abjomaŭ)», — adznačyŭ Hałuščanka.
Kiraŭnik Minenierha Ukrainy adznačyŭ, što pačałasia padrychtoŭka da nastupnaha aciaplalnaha siezona. U pryvatnaści, pravodziacca ramonty paškodžanych hienierujučych mahutnaściej, jakija metazhodna adnaŭlać. Ažyćciaŭlajecca adnaŭleńnie sistemy pieradačy i sistem raźmierkavańnia, realizujucca prajekty pa budaŭnictvie małoj hazavaj hienieracyi, raźmierkavanaj pa nasielenych punktach, i asobnym spažyŭcam.
što tam Holfstrym?