100 hod z dnia naradžeńnia Maksima Łužanina
Sapraŭdnym jaho imiom było Alaksandr Karataj. Naradziŭsia 2 listapada 1909 hodu ŭ vioscy Prusy (ciapier heta Salihorski rajon Mienskaj vobłaści). Atrymaŭ viadomaść jak paet, prazaik, kinadramaturh i pierakładčyk.
Pieršaja kniha vieršaŭ Maksima Łužanina vyšła ŭ 1928 h. i nazyvałasia «Kroki». Z 1931 h. małady paet pracavaŭ va «Uzvyššy» i na Biełaruskim radyjo. Što nie ŭratavała jaho ad abvinavačvańniaŭ pa spravie «nacdemaŭ». Adnak los byŭ miłaścivy — u Sibiry Łužanin pravioŭ tolki niekalki miesiacaŭ. Byŭ reabilitavany paśla śmierci Stalina, jak i tysiačy inšych ludziej.
Vajavaŭ na froncie. Tam ža staŭ zahadčykam adździeła ŭ «Źviaździe». Aŭtar scenaryjaŭ da filmaŭ «Paŭlinka» , «Narodny paet», «Pieršyja vyprabavańni», «Zapomni hety dzień» (razam z A. Kulašovym). Pierakładaŭ na biełaruskuju asobnyja tvory Hrybajedava, Hohala, Radziščava, Puškina, Majakoŭskaha, Mickieviča, Syrakomli. Źjaŭlajecca zasłužanym dziejačam kultury Biełarusi i Polščy.
Pamior 13 kastrynika 2001 hoda ŭ Minsku.
