«Źbirajuć budynkavy sok». Što za instalacyja vakoł Mastackaha muzieja? U sacyjalnych sietkach škvał zdahadak, my daviedalisia pryznačeńnie
U toj ža čas prachožyja i aŭtaŭładalniki ŭdziačnyja rabotnikam śfiery kultury za hetyja vynachodlivyja kanstrukcyi.
Tajamničyja butli na vulicy Kirava ŭ Minsku. Fota: sacyjalnyja sietki
Fota z butlami vady ŭ mietaličnych kanstrukcyjach pa vulicy Kirava raźlaciełasia ŭ siecivie i nie zastałosia biez uvahi kamientataraŭ.
«Źbirajuć budynkavy sok», «supiermadernovyja vohniehaśniki dziela vonkavaha raźmiaščeńnia», «buduć tudy kvietki sadžać, a pakul vadu «pasadzili», «dla niedakurkaŭ» — žartavali kamientatary.
Pryznačeńnie takich kanstrukcyj, jak vyjaviłasia, było prazaična žyćciovym.
Toj budynak pa vulicy Kirava, 27. Skrynšot: «Jandeks-panarama»
Niezvyčajnyja kanstrukcyi prydumali dvorniki Nacyjanalnaha mastackaha muzieja, kab zaścierahčy piešachodaŭ i mašyny ad naledzi i ledziašoŭ, jakija mohuć padać z dachu. Miž butlami naciahvali stužku, jakoju admiažoŭvali niebiaśpiečnuju zonu. Sami butli stavili ŭ jakaści bałastu, kab mietaličnyja kanstrukcyi nie źniesła vietram.
Kanstrukcyi prybiaruć uviesnu, kali budzie ŭpeŭnienaść, što pahrozy śniehapadaŭ bolš niama.
Dach u budynka stary, čyścić jaho składana, voś i prydumali chod z butlami.
Budynak Nacyjanalnaha mastackaha muzieja na vulicy Kirava źbirajucca ramantavać. Ciapier u im bazujucca restaŭratary, taksama tam raźmieščana fondaschovišča i navukovaja biblijateka. Budynak musić stać častkaj muziejnaha kvartała, jaki achopić i susiednija budynki. Pra muziejny kvartał havorycca ŭžo daŭno, ale kankretnych terminaŭ, kali jon źjavicca, nie nazyvajuć.
«Naša Niva» — bastyjon biełaruščyny
PADTRYMAĆMastacki muziej vykłaŭ videaekskursiju i 3D-tur pa vystavie da 100-hodździa muzieja Łuckieviča
U Nacyjanalnym mastackim muziei «ažyvili» karciny Białynickaha-Biruli
Supracoŭnikaŭ Nacyjanalnaha mastackaha muzieja zvolnili za fotakartku salidarnaści 2020 hoda
ja b ni za čto nie dohadałaś
nu tak ščy
tajut