Znajści
Ałharytmičny łacinski varyjant
04.03.2023 / 00:221RusŁacBieł

Fizičnyja praktykavańni bolš efiektyŭnyja dla psichičnaha zdaroŭja, čym leki

Daśledavańnie, apublikavanaje ŭ British Journal of Sports Medicine, pakazała, što fizičnaja aktyŭnaść vielmi karysnaja pry lačeńni depresii, tryvohi i stresu. Najbolšy efiekt — u trenirovak vysokaj intensiŭnaści.

Ahlad, apublikavany ŭ lutym, — najbolš poŭny pa hetaj temie na siońnia. U 1039 vyprabavańniach uziało ŭdzieł bolš za 128 tysiač čałaviek. Jany pavialičyli svaju fizičnuju aktyŭnaść na praciahu nie mienš jak 12 tydniaŭ. Siarod udzielnikaŭ byli zdarovyja ludzi, a taksama ludzi ź psichičnymi rasstrojstvami i roznymi chraničnymi zachvorvańniami, raskazvaje Neurosciencenews.

Fizičnaja aktyŭnaść akazała bolš mocny stanoŭčy ŭpłyŭ na depresiju, tryvohu i psichałahičny stres, čym zvyčajnaje lačeńnie, va ŭsich hrupach nasielnictva.

Daśledčyki vyśvietlili, što karysnyja ŭsie vidy fizičnaj aktyŭnaści i praktykavańniaŭ, u tym liku siłavyja treniroŭki, piłates, joha i takija aerobnyja praktykavańni, jak chada. Adnak karotkija vysokaintensiŭnyja treniroŭki pakazali najbolšuju efiektyŭnaść dla pamianšeńnia simptomaŭ psichičnaha rasstrojstva.

«My adčuvajem nie tolki pryliŭ endarfinaŭ paśla karotkich cykłaŭ vysokaintensiŭnych praktykavańniaŭ, ale i mocnaje pačućcio vykananaha abaviazku», — kaža ŭładalnik fitnies-centra All In One Strength and Conditioning u Taronta (Kanada) Karł Čałoci. Hetaje pačućcio pavyšaje ŭpeŭnienaść u sabie i kidaje vyklik ujaŭleńniu čałavieka pra toje, čaho jon moža dasiahnuć.

Z čaho pačać? Čałoci raić pačynać z maleńkich krokaŭ — z tych, jakija lohka ŭklučyć u rucinu i zrabić paŭsiadzionnymi. Heta moža być piać ci dziesiać chvilin praktykavańniaŭ. Pastupova vy možacie pavialičvać čas.

Čałaviek nie pavinien prymušać siabie, bo heta pryviadzie da jašče bolšaha stresu. Možna pačać z praktykavańniaŭ nizkaj intensiŭnaści i z časam pavialičvać nahruzku.

Efiektyŭnaść fizičnaj nahruzki nie śviedčyć pra toje, što psichałahičnyja kansultacyi ci leki nie majuć značeńnia, adnak praktykavańni mohuć być adnym z dadatkovych — i vielmi istotnym — faktaram u lačeńni. Pa nazirańni mnohich lekaraŭ, spałučeńnie kansultavańnia / hutarkovaj terapii i źmieny ładu žyćcia pracuje lepš za ŭsio.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
40
Панылы сорам
2
Ха-ха
0
Ого
3
Сумна
0
Абуральна
0
1
Sem/adkazać/
04.03.2023
Provierieno. Diejstvujet!
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930