«U telefonie praviarali nie tolki padpiski». Mužčyn pry vyjeździe za miažu dapytvajuć — padrabiaznaści
Pasažyraŭ, jakija hetymi dniami vyjazdžajuć ź Biełarusi za miažu, uzmocniena praviarajuć. Maršrutki ŭ punkcie propusku «Bieniakoni» stajać pa niekalki hadzin u čarzie. Na dopyt vyklikajuć usich mužčyn. Voś što pytajucca i što praviarajuć.
Fota: transport-tranzit.by
Ź biełaruskaha boku miažy praviarali nie pamiežniki — mierkavana, kadebešniki. Adzietyja byli ŭ cyvilnaje. Na dopyt usich mužčyn klikali ŭ budynak — u čarzie stajali ŭ tym liku litoŭcy.
Jak raskazali «Našaj Nivie», hladzieli telefon — praviarali čaty ŭ telehramie, zahruzki i spasyłki tam. Zadavali taksama pytańni: ci słužyli, ź jakoj metaj jedziecie abo da kaho, ci jość dazvoł na žycharstva abo karta palaka.
Rečy nie hladzieli.
«Naša maršrutka na biełaruskaj miažy stajała bolš za 4 hadziny», — raskazaŭ adzin z pasažyraŭ, jaki jechaŭ hetymi dniami.
Ź ich maršrutki pravierku ŭsie prajšli, nikoha nie zatrymlivali.
Adzin z kiroŭcaŭ aŭto, jaki taksama stajaŭ u čarzie, skazaŭ, što na miažy pravioŭ 14 hadzin.
Na litoŭskim baku miažy, kažuć, ničoha nie źmianiłasia.
Z čym źviazanaja takaja pravierka, pasažyram nie kazali. Ale da incydentu ŭ Mačuliščach, jaki zdaryŭsia 26 lutaha, takoha nie było.
Nahadajem, u toj dzień u miascovych čatach pisali, što čuli vybuchi, vakoł aeradroma nazirałasia aktyŭnaść siłavikoŭ. Paźniej «Bajpoł» zajaviŭ, što z dapamohaj dvuch dronaŭ byŭ paškodžany kaštoŭny rasijski samalot A-50.
«Naša Niva» — bastyjon biełaruščyny
PADTRYMAĆ
