Jašče dva ešałony z rasijskimi vajskoŭcami i technikaj adpravilisia ź Biełarusi na Danbas
Dva ešałony US RF adpravilisia ź Biełarusi ŭ akupavanuju Danieckuju vobłaść Ukrainy, piša @belzhd_live.
Hrafika: belzhd_live
28 lutaha i 1 sakavika sa stancyi Słonim u napramku Danieckaj vobłaści, Ukrainy adpravilisia jašče 2 ešałony z technikaj i navučanym kantynhientam US RF, paviedamlaje telehram-kanał čyhunačnikaŭ.
Pieršy adpraviŭsia 28 lutaha ŭ Rastoŭskuju vobłaść, a dalej łakamatyvami tak zvanaj «DNR» budzie adpraŭleny na stancyju «Iłavajsk» (Danieckaja vobł, Ukraina).
U ešałonie 46 vahonaŭ-płatform z vajskovaj technikaj i 2 pasažyrskija vahony (kala 100 čałaviek).
Druhi ešałon byŭ adpraŭleny 1 sakavika taksama ŭ Rastoŭskuju vobłaść, a potym budzie adpraŭleny na stancyju ŭ Danieckuju vobłaść Ukrainy.
U hetym ešałonie 38 vahonaŭ, ź ich 2 — pasažyrskija, 36 — z technikaj.
