Na sustrečach «PVK Rodan» u Minsku zatrymali kala 80 čałaviek
U Minsku 1 sakavika ŭ suviazi z anansavanymi sustrečami «PVK Rodan» było zatrymana kala 80 čałaviek, 15 ź ich paŭnaletnija. MUS ličyć, što jany kaardynavali moładź. Administratary tematyčnych čataŭ taksama zatrymanyja. Pra heta raskazaŭ kiraŭnik MUS Ivan Kubrakoŭ, paviedamlaje BiełTA.
Fota: tochkaby / Telegram
Pa słovach Kubrakova, paŭnaletnija ŭdzielniki sustrečy byli pryciahnutyja da administracyjnaj adkaznaści.
«Na žal, heta raspaŭsiudžvajecca vielmi chutka pa ŭsioj terytoryi Biełarusi», — skazaŭ Kubrakoŭ.
Kiraŭnik MUS raskazaŭ, što ŭ Biełarusi ruch raspaŭsiudžvajecca z 22 lutaha, a da hetaha zjaviŭsia ŭ Rasii i va Ukrainie.
Na tak zvanych niezakonnych masavych mierapryjemstvach 28 lutaha ŭ Homieli byli zatrymanyja 200 čałaviek, 1 sakavika ŭ Breście — 52 čałavieki. Pa homielskaj sustrečy raspačataja kryminalnaja sprava.
