Na biełaruskaj miažy zahinuŭ bajec ukrainskaj terytaryjalnaj abarony
Na ŭkrainska-biełaruskaj miažy padčas vykanańnia bajavoha zadańnia zahinuŭ 33-hadovy vajskoviec terabarony Vałyni Siarhiej Panasiuk, abstaviny śmierci rasśledujucca.
Pra heta raspavioŭ pres-sakratar bryhady TRA Vałyni Siarhiej Kaminski ŭ kamientary «Suśpilnamu».
26 lutaha ŭ vioscy Sialco raźvitalisia z małodšym siaržantam.
Pa słovach Chaminskaha, vajskoviec zahinuŭ na dośvitku 25 lutaha. Pry jakich abstavinach heta adbyłosia, ciapier vyśviatlajuć.
«Śledstva viaduć pravaachoŭnyja orhany, taksama pravodzicca słužbovaje rasśledavańnie adpaviednymi padraździaleńniami bryhady», — adznačyŭ śpikier bryhady.
U Nacpalicyi «Suśpilnomu» raskazali, što sprava raspačataja pa artykule ab naŭmysnym zabojstvie.
— Dakładna viadoma, što streły ažyćciaŭlalisia nie z boku Biełarusi. Detali buduć vyśvietlenyja padčas dasudovaha śledstva, jakoje praciahvajecca, — rastłumačyła inśpiektar siektara kamunikacyi Nacpalicyi Vałynskaj vobłaści Maryna Bałdzič.
Siarhiej Panasiuk byŭ udzielnikam ATA. U šerahi terabarony staŭ u pieršyja dni poŭnamaštabnaha ŭvarvańnia. Byŭ kamandziram strałkovaha ŭzvoda. U jaho zastalisia dačka i syn.
Raniej u sacsietkach źjaviłasia niepravieranaja infarmacyja pra nibyta varožy abstreł z boku Biełarusi. Pamiežny kamitet Biełarusi admaŭlaŭ, što stralba viałasia ź ich boku.
