Znajści
Ałharytmičny łacinski varyjant
18.02.2023 / 17:182RusŁacBieł

Ministerstva finansaŭ ZŠA praviaraje Raiffeisen Bank — ułaśnika biełaruskaha Pryjorbanka

Ministerstva finansaŭ ZŠA pačało rasśledavańnie ŭ dačynieńni da Raiffeisen Bank International u suviazi ź jaho dziejnaściu ŭ Rasii, paviedamlaje Reuters. Biełaruski Pryjorbank źjaŭlajecca dačkoj hetaj finansavaj ustanovy.

Aŭstryjski bank paviedamiŭ Reuters, što ŭ studzieni atrymaŭ zapyt ad upraŭleńnia kantrolu za zamiežnymi aktyvami Ministerstva finansaŭ ZŠA (OFAC) z prośbaj «rastłumačyć płaciežny biznes i źviazanyja ź im pracesy, jakija padtrymlivajucca RBI, u śviatle niadaŭnich padziej, źviazanych z Rasijaj i Ukrainaj».

OFAC zapytała ŭ banka padrabiaznuju infarmacyju ab jaho dziejnaści ŭ Rasii, častkova akupavanym Danbasie, Ukrainie i Siryi, u tym liku ab tranzakcyjach i dziejnaści peŭnych klijentaŭ.

Raiffeisen paviedamiŭ ahienctvu «Rojters», što, jak jon razumieje, zapyt nie byŭ vyklikany kankretnaj tranzakcyjaj abo biznesam. 

Raiffeisen — adzin z dvuch zamiežnych bankaŭ, uklučanych Centralnym bankam Rasii ŭ śpis 13 «sistemna značnych kredytnych arhanizacyj», što padkreślivaje jaho važnaść dla rasijskaj ekanomiki, jakaja sutykajecca z maštabnymi zachodnimi sankcyjami.

Ministerstva finansaŭ ZŠA ŭvodzić sankcyi i moža karać tych, chto ich parušaje. Jaho samy ahresiŭny instrumient — zamarožvańnie aktyvaŭ u ZŠA i pazbaŭlaje bank dostupu da dalaraŭ ZŠA, što maje vyrašalnaje značeńnie dla mižnarodnaha handlu i finansaŭ.

Ale zapyt infarmacyi ŭ banka aŭtamatyčna nie značyć nakładańnie sankcyj.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
17
Панылы сорам
1
Ха-ха
2
Ого
2
Сумна
3
Абуральна
0
0
@it/adkazać/
18.02.2023
Priorbank ta jeŝie «pračiečnaja» riežima. Avstrijskij bank liciemiery i pomohatory v obchodie sankcij. Totalnyj ban na SWIFT i štrafy.
0
babrujčanin/adkazać/
18.02.2023
Nariešcie i minfin Štatau źviarnuł uvahu na " rajCh fajzien")))) Jaščie 15 hod tamu źviartał uvahu na hietaha avstryjca jaki " uspłył" paśla razvała saudepii Niejak chutka " zaburieł" pausiul na byłom siesiesierie???A " zołoto kpss" tak i ni znajšli)) U idieałahična sacijalna " blizkich" zchavali pad austra sierpom ???
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930