Łukašenka źniaŭ kiraŭnika Śledčaha kamiteta pa Minsku
Alaksandr Łukašenka 14 lutaha svaim ukazam vyzvaliŭ ad pasady ad pasady načalnika ŭpraŭleńnia Śledčaha kamiteta pa horadzie Minsku hienierał-majora justycyi Siarhieja Pasko.
Siarhiej Pasko
Paviedamlajecca, što Siarhiej Paśko zvolnieny ŭ zapas pa chvarobie z pravam našeńnia ŭstanoŭlenaj formy adzieńnia i znakaŭ adroźnieńnia.
Siarhiej Pasko viadomy svaimi adyjoznymi vykazvańniami i dziejańniami. Tak, u lutym 2021 hoda jon vykazvaŭsia pra toje, što štrafy, zapłačanyja pakaranymi «za palityku» pry dapamozie fondaŭ salidarnaści, nie pavinny zaličvacca, a hrošy pavinny, maŭlaŭ, spahaniacca paŭtorna niepasredna z parušalnikaŭ.
Taksama mienavita jon časta raskazvaŭ pra hučnyja kryminalnyja spravy suprać palityčnych apanientaŭ režymu.
Taksama Alaksandr Łukašenka svaim rasparadžeńniem zvolniŭ sa słužby ŭ orhanach unutranych spraŭ u zapas pa ŭzroście hienierał-majora milicyi Mikałaja Mielčanku. Kaliści jon byŭ namieśnikam ministra zamiežnych spraŭ, ale ŭ 2019 hodzie byŭ adpraŭleny aficyjnym pradstaŭnikom MUS u pasolstva Biełarusi va Ukrainie i pa sumiaščalnictvie ŭ Małdovie. Vidać, tam jon da piensii i dabyŭ. Mielčanku taksama pakinutaje prava našeńnia formy i znakaŭ adroźnieńnia.
