U niekatorych udovaŭ z «DNR», jakim padaryli futry, padarunki zabrali nazad
Paśla publikacyi videa ruch «Fieminiscki antyvajenny supraciŭ» źviazaŭsia z adnoj z žančyn, što byli na videa. Taja raspaviała, što ŭ jaje i jašče minimum troch inšych žančyn futry zabrali adrazu paśla zdymak.
Pavodle jaje słoŭ, spačatku ŭdovam skazali, što futry kiepskaj jakaści i paabiacali vydać novyja. Adnak paśla šmatlikich zvankoŭ arhanizataru razdačy žančynam adkazali, što adbyłasia pamyłka i futry pryznačalisia inšym ludziam.
Jašče adno pytańnie: ci ŭdovy byli na videa? Žančyna ź videa raspaviała, što pra zdymki im skazali na pracy, paabiacaŭšy darahija padarunki z Maskvy. Jana dadała, što heta raspaŭsiudžanaja praktyka, i časta ŭdovy na padobnych videa akazvajucca niesapraŭdnymi: «Takoje časta byvaje, niešta pryvoziać z Maskvy i zdymajuć, my zaŭsiody ŭdziačnyja».
Žančyna nie ŭdakładniła, kolki sapraŭdnych udoŭ było na razdačy futraŭ.
