Anatol Sys. Serca

Tydzień Sysa na NN — u hetyja dni praklaty paet moh by śviatkavać 50-y dzień naradžeńnia.

Mnie na sercy zołatam vyšyvali kraty,
kroŭ baluča krapała na maju dušu
z hołki dyjamientavaj až u try karaty —
voś jakoje dziva ja ŭ hrudziach našu.

A byvaje, padaju z usiaho razmachu,
dyk na sercy zołatam šeść kryžoŭ źviniać
ab ziamielku rodnuju, byccam mieč ab płachu, —
ni vinom, ni lekami bol toj nie suniać.

Dzie ŭpadu, kab viedaŭ ja, dyk padkłaŭ padušku b,
ale ž vočy‑zorki sočać, na biadu,
mabyć, ciažar krataŭ datul nasić mušu,
pakul u mahiłu‑matku nie ŭpadu.

Mnie na sercy zołatam los moj vyšyvali,
nitak nie chapiła na apošni prent,
a kali paŭmiortvaha mianie pakidali,
uvatknuli ŭ serca hołku‑dyjamient.

Moža, kamu treba załataja nitka,
hołka z dyjamientu, ja vas paprašu,
kali vam niaciažka, kali vam niabrydka, —
vyratujcie serca, vyzvalcie dušu!

Heta ž vielmi prosta: nitku — u kłubočak,
hołku — u skarbonku, što ŭ kryvi — darma,
bieź viny dy bojazi śpicie sabie ŭnočy,
nu a vašym voraham śnicca chaj turma.

Z matami, varjatami,
z sabakami ikłatymi,
dy pad aŭtamatami
z załatymi kratami
budzie
chaj
jana!

* * *

Pieršy radok hetaha vierša Sys pazyčyŭ u paeta Alesia Filipoviča i razharnuŭ ich u misteryju.

0

0

0

0

0

0