Na Miunchienskaj kanfierencyi Ukraina budzie havaryć pra rakiety, samaloty i ŭstupleńnie ŭ NATA
Ministr zamiežnych spraŭ Ukrainy Dźmitryj Kuleba paviedamiŭ u paniadziełak, što na Miunchienskaj kanfierencyi pa biaśpiecy ŭ kancy nastupnaha tydnia pradstaŭniki Ukrainy buduć kazać pra pastaŭki rakiet i samalotaŭ, a taksama pra ustupleńnie Ukrainy ŭ NATA i budučyniu Rasii.
Fota: AP
«U hetym hodzie my budziem prasoŭvać na Miunchienskaj kanfierencyi pa biaśpiecy pryjarytetnyja dla Ukrainy temy. Klučavaja — heta pastaŭki dalnabojnych rakiet i adkryćcio pastavak bajavych samalotaŭ, pakolki mienavita samaloty źjaŭlajucca apošnim vidam zbroi, jaki treba razbłakavać, usie inšyja pazicyi my za minuły hod adkryli kamandnymi namahańniami», — cytuje pres-słužba MZS vystupleńnie Kuleby ŭ teleefiry.
«Budziem taksama havaryć pra členstva Ukrainy ŭ NATA i ŭ ahulnym pra budučyniu Rasii», — dadaŭ Kuleba.
Štohadovaja Miunchienskaja kanfierencyja ŭ hety raz projdzie z 17 pa 19 lutaha.
