Znajści
Ałharytmičny łacinski varyjant
05.02.2023 / 11:405RusŁacBieł

Aŭtar «Presboła» škaduje, što BT nie pačało zajmacca piractvam raniej

Aŭtar haziety «Priessboł» Siarhiej Viarsocki vykazaŭsia na jaje staronkach nakont pakazu telekanałam «Biełaruś 5» matčaŭ Australian Open z parušeńniem aŭtarskich pravoŭ, piša Tribuna.

«Zusim raptoŭna, biez maštabnych anonsaŭ i źmien u prahramie pieradač telekanał «Biełaruś 5» pakazaŭ u zapisie paŭfinalnyja matčy Australian Open z udziełam Azaranka i Sabalenka. A paźniej u žyvym efiry — i pieramožny finał pieršaj rakietki Biełarusi.

Ajčynnyja amatary tenisa nie čakali takoha pavarotu padziej. Usie dva tydni turniru jany hladzieli matčy na kanale «Jeŭrasport», jakomu, ułasna, i naležali asnoŭnyja pravy na pakaz AO ŭ Starym Śviecie. Z ulikam taho, što na «Biełaruś 5» prafiesijnyja turniry nie pakazvali ŭžo daŭnavata, na padobny siurpryz nichto nie raźličvaŭ.

Dy i sami televizijonščyki nie śpiašalisia rastłumačyć situacyju. Tolki pierad finałam telehram-kanał Ahienctva televizijnych navin namiaknuŭ na pryncyp tranślacyi sihnału i paviedamiŭ pra adkryćcio niejkaha rublovaha rachunku za hety pakaz.

Jak akazałasia, u Biełarusi z 3 studzienia pracuje Zakon pad numaram 241-3 «Ab abmiežavańni vyklučnych pravoŭ na abjekty». Hety dakumient «dapuskaje vykarystańnie abjektaŭ intelektualnaj ułasnaści biez zhody (dazvołu) pravaŭładalnika abo arhanizacyi… z zamiežnych dziaržaŭ, jakija ździajśniajuć niedružalubnyja dziejańni». Takimi abjektami ličacca kampjutarnyja prahramy, aŭdyjavizualnyja i muzyčnyja tvory, pieradačy arhanizacyj viaščańnia.

Zastajecca škadavać, što Pałata pradstaŭnikoŭ, jakaja pryniała hety zakon, razhojdvałasia tak doŭha, ratyfikavaŭšy jaho tolki 20 śniežnia. Spracuj jana bolš apieratyŭna, biełaruskamu narodu jašče ŭ listapadzie zładzili b śviata futboła — teletranślacyju ŭsich matčaŭ ČS — 2022», — napisaŭ Viarsocki.

Čytajcie taksama:

«Kryčy, b***». Na BT kamientatara niecenzurna prymušali zaŭzieć za Sabalenku

«Biełaruś 5» pakazała pirackija zapisy paŭfinałaŭ Australian Open z udziełam biełarusak

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
1
daviedka/adkazać/
05.02.2023
A vot jeśli by Objedinionnyje Arabskije Emiraty naładili «parallelnuju» tranślaciju «Biełaruś 5», to biednomu Łukašienko v bunkierie nie prišłoś by smotrieť bieź pierievoda na inostrannom jazykie, kotoroho oni s Umkoj nie znajut...  Poetomu ostavałoś tolko popivať vodočku da zakusyvať nariezannymi bananami.
0
Jaŭchim/adkazać/
05.02.2023
Viarsockamu treba pajści dalej - apranuć miadźviedžuju škuru, adhadavać baradu i doŭhija vałasy, uziać dubinu i biehać pa vulicy ŭ pošukach “niedružalubnych” ludziej, kab i ich rabavać. Ale, napeŭna, navat u pieršabytnych ludziej i barbaraŭ byli bolš adekvatnyja pohlady na žyćcio.
0
Žieleznyj Drovosiek /adkazać/
05.02.2023
Lepš by škadavaŭ,što bt razam ź im nie maje ani hodnaści,ani honaru,što dazvalaje im kamuniździć čužoje. Heta ŭžo dyjahnaz.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera