Vyrašać, kamu možna viarnucca, a kamu nie, budzie śpiecyjalnaja kamisija na čale z hienprakuroram
Pra heta paviedamiŭ sam Andrej Švied, jaki kamisiju i ŭznačalić.
Fota: BiełTA
«Pryniataje pryncypovaje rašeńnie: budzie stvoranaja mižviedamasnaja kamisija, jakuju ŭznačalić hienieralny prakuror. U skład hetaj kamisii buduć uklučanyja pradstaŭniki hramadskaści, deputackaha korpusu, słužbovyja asoby dziaržaŭnych orhanaŭ. Tyja, chto znachodzicca za miažoj, žadaje viarnucca na radzimu, ale čahości baicca, buduć mieć mahčymaść źviarnucca (infarmacyja budzie raźmieščanaja va ŭsich srodkach masavaj infarmacyi) u kamisiju i atrymać adpaviednyja tłumačeńni — ab mahčymaści viarnucca, ab najaŭnaści albo adsutnaści niejkich pretenzij z boku dziaržaŭnych orhanaŭ da hetaj kankretnaj asoby», — raskazaŭ hienieralny prakuror.
Hienprakuror Švied maje reputacyju jastraba, jon adna z centralnych postaciaŭ u arhanizacyi masavych represij i parušeńniaŭ zakonnaści ŭ 2020—2022 hadach.
