Minadukacyi: adznaka za repietycyju CE ni na što nie paŭpłyvaje
Adznaka za repietycyjny centralizavany ekzamien, jaki projdzie ŭ Biełarusi 28 studzienia, ni na što nie paŭpłyvaje, paviedamlaje BiełTA sa spasyłkaj na pres-słužbu Ministerstva adukacyi.
«Adznaka za repietycyju centralizavanaha ekzamienu nikudy nie pojdzie, nastaŭniki nie buduć jaje vystaŭlać u žurnał ci kudy-niebudź jašče. Hetaja adznaka patrebnaja tolki samomu vučniu dla vyznačeńnia svajho ŭzroŭniu padrychtoŭki pa pradmiecie», — kanstatavali ŭ adukacyjnym viedamstvie.
Repietycyja centralizavanaha ekzamienu projdzie pa ŭsioj krainie 28 studzienia. Dla hetaha buduć zadziejničanyja ŭsie 144 punkty CE. Navučencaŭ buduć dastaŭlać tudy centralizavana, u supravadžeńni piedahohaŭ. Usiaho ž piedahahičnych rabotnikaŭ na repietycyi budzie pracavać kala 8 tysiač. Miarkujecca, što jany praviaduć CE ŭ mai.
Usiaho kala 53 tysiač školnikaŭ prymuć udzieł u repietycyjnym CE. Vyniki buduć dastupnyja na sajcie RIKV pa danych pašparta praz 2-3 tydni paśla zdačy.
