Minadukacyi padkarektavała praviły praviadzieńnia centralizavanaha ekzamienu
Ministerstva adukacyi svajoj pastanovaj № 509, jakaja apublikavanaja na Nacyjanalnym pravavym partale, skarektavała niekatoryja pytańni praviadzieńnia centralizavanaha ekzamienu.
Zhodna z novymi patrabavańniami, pry praviadzieńni ekzamienu pa fizicy i chimii dazvolać vykarystoŭvać kalkulatar. Taksama źmianiłasia forma zajavy na ŭdzieł u CE i škała pieravodu bałaŭ, atrymanych na ekzamienie, u adznaku pa 10-balnaj sistemie.
Pry praviadzieńni CE ŭ aŭdytoryjach pavinny znachodzicca piedahahičnyja rabotniki — minimum try dla kožnaj aŭdytoryi.
Praduhledžany vypuskny ekzamien dla eksternaŭ, jakija znachodziacca ŭ papraŭčych ustanovach i ŁPP. A vučni, jakija atrymlivajuć adukacyju doma, vyzvalajucca ad vypusknych ekzamienaŭ i CE na padstavie zahadu kiraŭnika miascovaha adździeła (upraŭleńnia) adukacyi.
Čytajcie taksama:
Centralizavany ekzamien buduć zdavać 54 tysiačy čałaviek
Minadukacyi vyznačyła hrafik praviadzieńnia centralizavanaha ekzamiena ŭ 2023 hodzie
