Kuleba: Ukraina pierakanała partnioraŭ pačać pastaŭki ŭsich patrebnych vidaŭ zbroi, akramia dźviuch vialikich rečaŭ
Ministr zamiežnych spraŭ Ukrainy Dźmitryj Kuleba na forumie ŭ Davosie raskazaŭ, jakaja ciapier situacyja z zabieśpiačeńniem Ukrainy pieradavoj zachodniaj zbrojaj, pieradaje «Ukrinfarm».
Dźmitryj Kuleba. Fota: Efrem Lukatsky / AP Photo
«Tak, heta patrabuje času, i tak, my chacieli b, kab heta nie patrabavała stolki času, kab partniory pryniali rašeńnie, ale ŭrešcie
my atrymlivajem usio, pra što prosim, akramia dźviuch vialikich rečaŭ, jakija pryncypova jašče nie byli razbłakavanyja — zachodnija bajavyja źniščalniki i dalnabojnyja rakiety. Usio astatniaje razbłakavanaje ŭ tym ci inšym vyhladzie», — skazaŭ Kuleba.
Jon dadaŭ, što ŭ pačatku poŭnamaštabnaj vajny amal usie razmovy z patencyjnymi krainami-pastaŭščykami ŭzbrajeńnia pačynalisia z admoŭ, asabliva kali razmova išła pra samyja składanyja vidy zbroi.
Čytajcie taksama:
Ministr zamiežnych spraŭ Ukrainy: Usia patrebnaja zbroja ŭ nas budzie, nijakich tabu ŭ partnioraŭ niama
