Urad Litvy denansavaŭ pahadnieńnie ź Biełaruśsiu ab pamiežnym supracoŭnictvie
Na pasiadžeńni 18 studzienia ŭrad Litvy pryniaŭ rašeńnie denansavać padpisanaje 16 hadoŭ tamu pahadnieńnie ź Biełaruśsiu ab pryncypach pryhraničnaha supracoŭnictva. Pra heta paviedamiła pres-słužba Ministerstva ŭnutranych spraŭ Litvy.
Padčas pasiadžeńnia litoŭskaha ŭrada. Fota: vrm.lrv.lt
«Realizacyja dvuchbakovaha mižuradavaha pahadnieńnia ź Biełaruśsiu niemahčymaja ŭ ciapierašniaj hieapalityčnaj situacyi i nie budzie mahčymaja ŭ najbližejšy čas», — zajaviła ministarka ŭnutranych spraŭ Ahne Biłatajcie.
Pastanova pryniataja z ulikam palityčnaj situacyi ŭ Biełarusi z 2020 hoda, vykarystańnia režymam Łukašenki mihrantaŭ suprać krain ES i saŭdziełu Biełarusi ŭ vajnie suprać Ukrainy, rastłumačyli ŭ MUS.
Pahadnieńnie ab pamiežnym supracoŭnictvie było padpisana ŭ Vilni 1 červienia 2006 hoda. De-fakta jano pierastała dziejničać jašče raniej za aficyjnaje skasavańnie. Jašče ŭ kastryčniku 2020 hoda Litva prypyniła finansavańnie biahučych prajektaŭ u ramkach transhraničnaha supracoŭnictva ź Biełaruśsiu, a paśla pačatku vajny Rasii suprać Ukrainy pa rasparadžeńni MUS było spyniena ŭsio supracoŭnictva ź biełaruskimi dziaržstrukturami.
Paśla pačatku vajny va Ukrainie krainy-susiedki denansavali ceły šerah miždziaržaŭnych damoŭ ź Biełaruśsiu.
Čytajcie taksama:
Łatvija denansavała pahadnieńnie ab inviestycyjach ź Biełaruśsiu
Ukraina denansavała pahadnieńnie ab supracy i kaapieracyi ź Biełaruśsiu ŭ VPK
Ukraina razarvała pahadnieńnie ź Biełaruśsiu ab sudnachodstvie
