Pradstaŭniki sietki «Santa» raskazali, što budzie z kramami «Vitalur»
Pa słovach pres-sakratara hrupy kampanij SANTA Aleny Babkinaj, padčas pierachodu na apieracyjnaje kiravańnie «Santy» kramy «Vitalur» pa čarzie začyniajucca na invientaryzacyju, piša Office Life.
Fota: vitalur.by
Pa miery hatoŭnaści kramy buduć adčyniacca z poŭnaj zahruzkaj asartymientam. «Santa Retejł» prykładaje maksimalnyja namahańni, kab chutčej zapuścić ich u pracu, zachoŭvajučy dziejny piersanał kožnaha handlovaha abjekta.
Infarmacyju pra toje, kali zapracujuć kramy «Vitalur» paśla «pierazahruzki», abiacajuć raźmiaścić na sajcie kampanii.
Roźničnaja sietka «Vitalur» ciapier znachodzicca ŭ pracesie zaviaršeńnia ździełki ab pieradačy svaich kramaŭ retejleru «Santa». Zakryć sietku «Vitalur» płanujecca da kanca studzienia, paśla čaho «Sancie» piarojduć 84 kramy «Vitalur». Pieradačy majomaści papiaredničali prablemy ŭ «Vitalura» ŭ raźlikach z pastaŭščykami.
Čytajcie taksama:
«Dla padrychtoŭki da novaha adkryćcia spatrebicca tydzień». U Minsku pačali zakryvać «Vitalury»
Ułaśnik «Vitalura» sprabuje vyratavać sietku, ale vyhladaje, što kampanija pierastanie zajmacca roźničnym handlem
«Vitalur» moža ŭ chutkim časie zbankrutavać. Niekatoryja z rytejłu tolki i čakajuć
