U Varšavie źbirajuć podpisy za biełaruskuju škołu
U polskaj stalicy viadziecca kampanija zboru podpisaŭ, kab atrymać budynak dla biełaruskaj škoły ŭ Varšavie. Jana inicyjanavanaja niekalkimi adukacyjnymi arhanizacyjami biełarusaŭ Polščy.
Źjaviłasia mahčymaść padać zajaŭku na atrymańnie budynka dla biełaruskaj škoły 1—8 kłasaŭ navučańnia.
Dziela hetaha treba sabrać jak maha bolš podpisaŭ ad biełarusaŭ, ale mienavita tych, chto pražyvaje ŭ Varšavie.
Na praviadzieńnie kampanii jość tolki tydzień — z 16 pa 21 studzienia.
Inicyjatarami zboru podpisaŭ vystupajuć dabračynny fond Życie, Biełaruskaja škoła mastactvaŭ imia Mikoły Ravienskaha i škoła-sad dla biełarusaŭ zamiežža «Ja doma».
Dapamahčy ŭ zbory podpisaŭ moža kožny biełarus, raspaŭsiudziŭšy infarmacyju pra heta siarod svaich siabroŭ i znajomych biełarusaŭ, jakija žyvuć u polskaj stalicy.
Podpisy možna pakinuć na placoŭkach:
- dabračynny fond Życie ul. Jaworzyńska 8/7 (pn-pt 10:00-16:00
- Muziej volnaj Biełarusi ul. Foksal 11, 00-327 Warszawa (aŭtorak/čaćvier 16:00-20:00, subota/niadziela 12:00-20:00)
- Free Belarus Centre ul. Mokotowska 24 of. 64, (pavierch 3-i 19 i 20 studzienia, 10:00-18:00)
- handlovy centr Złoty Tarasy ul. Złota 59, 00-120 Warszawa (pavierch 0, kala ŭvachodu ŭ kaviarniu Costa Coffee, tolki ŭ subotu 21 studzienia, 9:00-21:00)
- ofis Ruchu biełaruskaj salidarnaści ul.Hoża 41 m.2, 00-681 Warszawa (uvachod u dvor pamiž kramaj Żabka i aptekaj Doz, na damafonie naciśnicie 2, pieršyja dźviery sprava, z paniadziełka pa piatnicu, 12:00-19:00).
Možna navat sabrać podpisy samastojna. Treba spampavać błank pa spasyłcy, sabrać podpisy biełarusaŭ i prynieści błank da nas ci da luboha inšaha punkta zboru podpisaŭ. Možna ŭpisać i dziaciej, za ich podpis stavić baćka ci maci. Važna pamiatać, što kali budziecie sami źbirać podpisy — nie staŭcie numaracyju na błankach. Błanki z podpisami, sabranymi samastojna, možna pakidać na tych ža placoŭkach, paznačanych vyšej.