Jašče adnaho biełarusa zatrymali paśla viartańnia z Polščy. U jakaści dokazu viny — fota sa Ściapanam Puciłam
U jaho zatrymańni ŭdzielničała nie mienš za 5 čałaviek.
Dźmitryj Pališevič. Fota: sacsietki
Zatrymanamu Dźmitryju Pališeviču 38 hadoŭ. Haradzieniec zachaplajecca rybałkaj. Viadoma, što jon rehularna jeździŭ u Polšču na pracu, zajmaŭsia budoŭlaj i ŭnutranym azdableńniem budynkaŭ.
Miarkujučy pa videa siłavikoŭ, zroblenym pad «krutuju» muzyku, čałaviek vychodzić z kvatery z rukami za hałavoj, a na jaho navalvajucca niekalki ŭzbrojenych słužboŭcaŭ. Paśla jany ž vyvodziać jaho z aŭtobusa ŭ kajdankach — u zatrymańni ŭdzielničaje nie mienš za 5 čałaviek, u tym liku adzin biez zbroi i ŭniformy, imavierna, hubazikaviec.
Siłaviki śćviardžajuć, što mužčyna niadaŭna viarnuŭsia z Polščy. Jamu zakidajuć pakidańnie kamientaroŭ z abrazami Łukašenki i milicyjantaŭ. Praŭda, dokazaŭ «viny» Dźmitryja ŭ videa niama — zamiest ich demanstrujecca fota sa Ściapanam Puciłam, imavierna, z Polščy.
Dźmitryj i Ściapan. Fota: sacsietki
Ci zaviedzienaja suprać mužčyny kryminalnaja sprava, nie viadoma.
«Naša Niva» — bastyjon biełaruščyny
PADTRYMAĆ
