Udar pa Dniapry: kolkaść achviar vyrasła da 21, ukrainskija SPA nie źbivali rakietu
14 studzienia Rasija ŭdaryła rakietami pa Dniapry, adna ź ich prylacieła ŭ šmatpaviarchovik. Pa danych na ranicu, zahinuŭ 21 čałaviek, 73 paranienyja. Ratavalniki praciahvajuć raźbirać zavały.
Fota: Evgeniy Maloletka / AP Photo
Pa Dniapry bili kryłatymi rakietami Ch-22, jakija pryznačanyja dla źniščeńnia avijanosnych hrup u mory. Pa infarmacyi Pavietranych sił USU, ich było vypuščana piać. Puski ažyćciaŭlalisia z Kurskaj vobłaści i z akvatoryi Azoŭskaha mora.
Učora Alaksiej Arastovič skazaŭ, što rakietu, jakaja ŭpała na šmatpaviarchovik, źbiła ŭkrainskaja SPA. Adnak va Uzbrojenych siłach abvierhli heta.
Kamandujučy Pavietranymi siłami USU Mikałaj Alaščuk zajaviŭ, što ŭ ich niama ahniavych srodkaŭ, zdolnych źbivać hety typ rakiet.
«Z pačatku vajennaj ahresii Rasii pa terytoryi Ukrainy było vypuščana bolš za 210 rakiet hetaha typu. Nivodnaja nie źbita srodkami supraćpavietranaj abarony.
Tolki zienitnyja rakietnyja kompleksy, jakija ŭ pierśpiektyvie mohuć być pieradadzieny Ukrainie zachodnimi partniorami (havorka idzie pra takija sistemy, jak Patriot PAC-3 abo SAMP-T), zdolnyja pierachoplivać hetyja pavietranyja mety», — prakamientavaŭ Alaščuk.
Fota: Evgeniy Maloletka / AP Photo
Rakieta Ch-22 maje maksimalnuju dalokaść da 600 km. Pry ŭžyvańni ź vialikich adlehłaściaŭ adchileńnie ad mety moža składać sotni mietraŭ.
U Dniapry abjaŭlena trochdzionnaja žałoba.
