«Jaje źbili. Jana ŭpała na padjezd». Arastovič zajaviŭ, što rakieta ŭ Dniapry, jakaja trapiła ŭ šmatpaviarchovik, była źbitaja SPA
Daradca Ofisa prezidenta Ukrainy Alaksiej Arastovič zajaviŭ, što rakietu, jakaja ŭpała na šmatpaviarchovik u Dniapry, źbiła ŭkrainskaja SPA. Rakieta ŭzarvałasia.
Mark Fiejhin spytaŭ u Arastoviča, ci nie było mahčymaści ŭ Dniapry źbić rakietu.
«Nie, jaje źbili, jana ŭpała na padjezd. Jana ŭzarvałasia, kali ŭpała, — adkazaŭ Arastovič. — Akramia taho, tam prablema sa zjedlivym dymam. Heta dakładnaja prykmieta Ch22, tamu što jana zapraŭlajecca vielmi taksičnym palivam. Miarkujučy pa ŭsim (tut jašče raźbiracca i raźbiracca), ale možna vykazać zdahadku, što taksičnaje paliva stała dadatkovym elemientam paražeńnia».
Aficyjnaj infarmacyi nakont taho, što rakietu, jakaja ŭpała ŭ Dniapry, źbiła ŭkrainskaja SPA, nie było.
Śpikier Pavietranych sił USU Juryj Ihnat paviedamiŭ, što ŭdar pa šmatpaviarchoviku ŭ Dniapry Rasija naniesła rakietaj Ch-22. Jaje zapuściŭ bambardziroŭščyk Tu-22M3 z rajona Kurska i Azoŭskaha mora. Hetaja rakieta pryznačanaja dla źniščeńnia avijanosnych hrup u mory.
Abnoŭlena. Kamandujučy Pavietranymi siłami USU Mikałaj Alaščuk zajaviŭ, što ŭ ich niama ahniavych srodkaŭ, zdolnych źbivać hety typ rakiet.
darečy, i što tam z raśledvańniem hibieli Šaramieta?
i heta ŭ samaj-samaj błahapałučnaj u mire stranie... u mirnaje uremia