Akupacyjnyja ŭłady źnieśli pomnik Šaŭčenku z centralnaj płoščy Mielitopala
Pomnik Tarasu Šaŭčenku prybrali z centralnaj płoščy Mielitopala — płoščy Pieramohi. Heta paćvierdziŭ u svaim telehram-kanale kiraŭnik akupacyjnych uładaŭ Zaparožskaj vobłaści Jaŭhien Balicki.
Fota: Necro Mancer / Twitter
Pavodle jaho, adbyłosia heta «paśla šmatlikich zvarotaŭ mielitopalcaŭ». Balicki nazyvaje heta nie znosam, a pieranosam.
Fota: Necro Mancer / Twitter
«Rašeńnie budzie pryniata sumiesna ź mielitopalcami, jak i było pryniata rašeńnie ab jaho pieranosie», — śćviardžaje Balicki.
«Prašu nie reahavać na pravakacyi z boku kijeŭskich prapahandystaŭ, pomnik u biaśpiecy i paśla restaŭracyi zojmie svajo miesca ŭ horadzie», — zapeŭnivaje jon.
Na płoščy Pieramohi, pa jaho słovach, budzie pačata ŭstanoŭka steły «Horad voinskaj słavy».
Taras Šaŭčenka — kłasik ukrainskaj litaratury.
Kult «voinskaj słavy» naviazvajecca prarasijskaj administracyjaj Alaksandra Łukašenki i ŭ Biełarusi.
