Biełarusy ŭ Litvie, u jakich skončyŭsia pašpart, zmohuć atrymać inšy dakumient
Heta pytańnie abmiarkoŭvałasia na sustrečy pradstaŭnika Abjadnanaha pierachodnaha kabinieta Valera Kavaleŭskaha i dyrektara Departamienta mihracyi MUS Litvy Evieliny Hudzinskajcie.
Padčas sustrečy Valer Kavaleŭski i Evielina Hudzinskajcie razam ź inšymi pradstaŭnicami departamienta abmierkavali praceduru vydačy dakumientaŭ hramadzianam Biełarusi, jakija ciapier znachodziacca ŭ Litvie i pa abjektyŭnych pryčynach nie mohuć pamianiać pašparty, što stali niesapraŭdnymi praz skančeńnie terminu dziejańnia abo praz stratu.
Paśla kančatkovaj dapracoŭki pracedury Abjadnany pierachodny kabiniet apublikuje infarmacyju ab umovach i sposabach atrymańnia takoha dakumienta.
Taksama na sustrečy byli abmierkavanyja inšyja prablemnyja pytańni, ź jakimi sutykajucca biełarusy ŭ Litvie, inšych krainach ES i va Ukrainie. Dla ich vyrašeńnia baki damovilisia pra šerah rehularnych sustreč, paviedamlaje Abjadnany pierachodny kabiniet.
