Deficyt 56 miljardaŭ dołaraŭ: suchija ličby dazvalajuć sprahnazavać pierśpiektyvy rasijskaj ekanomiki na 2023 hod
Deficyt biudžetu RF dasiahnuŭ rekordnaj vieličyni — i, mahčyma, heta nie miaža.
Uładzimir Pucin na sustrečy z Alaksandram Łukašenkam. Śniežań 2022 hoda. Skrynšot ź videa
Deficyt biudžetu Rasii pavialičyŭsia da rekordnaha ŭzroŭniu ŭ śniežni, bo sankcyi pačali bić pa dachodach ad ekspartu nafty na fonie rostu vydatkaŭ na zachopnickuju vajnu, paviedamlaje The Telegraph.
Deficyt biudžetu dasiahnuŭ rekordnych 3,9 tryljona rubloŭ (56 miljardaŭ dołaraŭ) u śniežni, kali nabyło moc abmiežavańnie cenaŭ na naftu ad G7. Niahledziačy na toje, što Rasija mieła praficyt astatnija 11 miesiacaŭ 2022 hoda, śniežańskija ličby pryviali ahulny deficyt biudžetu Rasii da 3,3 tryljona rubloŭ (47 miljardaŭ dołaraŭ) za ŭvieś hod.
Pavieličeńnie deficytu ŭ śniežni nie jość niezvyčajnym: dziaržaŭnyja vydatki ŭ Rasii časta rastuć u kancy hoda, bo na hety miesiac prypadaje šmat płaciažoŭ ź fiederalnaha biudžetu. Adnak u 2022 hodzie deficyt značna vyras z-za situacyi na naftavym rynku.
Ministr finansaŭ RF Siłujanaŭ supakojvaje, što kali adminusavać ad vydatkaŭ srodki, vypłačanyja dziaržavaj u pazabiudžetnyja fondy za košt adterminovak pa strachavych unioskach, deficyt składzie tolki 1,8% VUP. Siłuanaŭ padkreślivaje, što ŭsie rasijskija rehijony stabilna vykonvajuć svaje biudžety, dziaržavaj vykonvajucca ŭsie zapłanavanyja abaviazki i navat byli pryniatyja miery dapamohi hramadzianam i biznesu.
Ale pierśpiektyvy rasijskaha biudžetu ŭ 2023 hodzie, miakka kažučy, horšyja, bo čakanaje padzieńnie dachodaŭ ad nafty i hazu akaža bolšy cisk na biudžet i pryviadzie da jašče bolšaha deficytu.
Abmiežavańnie cany na rasijskuju syruju naftu, jakaja pastaŭlajecca marskim šlacham, uviedzienaje ES, G7 i Aŭstralijaj 5 śniežnia, vyznačyła canu jak 60 dołaraŭ za barel, i abjomy ekspartu ŭpali: za astatniuju častku miesiaca marski ekspart rasijskaj nafty ŭpaŭ na 117 000 barelaŭ za dzień i skłaŭ u siarednim 2,615 młn barelaŭ štodnia, paviedamlaje Intellinews.
Pa danych finskaha Centra daśledavańniaŭ enierhii i čystaha pavietra (CREA), cenavaja stol u śniežni kaštavała Rasii 172 miljony dołaraŭ u dzień. CREA čakaje, što hetyja straty vyrastuć da $280 młn u dzień u lutym, kali nabudzie moc zabarona ES na kuplu rasijskich naftapraduktaŭ.
Deficyt biudžetu na 2023 hod zapłanavany ŭ pamiery 2% VUP (taki ž, jak u 2022 hodzie). Ale valutny prahnoz zasnavany na canie nafty 70 dołaraŭ za barel, što našmat vyšej za tuju canu, za jakuju Rasija pradavała naftu ŭ śniežni. Kali ceny na rasijskuju naftu zastanucca na śniežańskim uzroŭni, vyručka źnizicca jašče prykładna na 2,4 trłn rubloŭ, abo 1,6% VUP, ličać analityki Bloomberg Economics.
Urad Pucina ŭžo pačaŭ skaračać abo adkładać vydatki, nie źviazanyja z vajnoj, i abmiarkoŭvaje pavyšeńnie padatkaŭ dla niekatorych bujnych kampanij, kab dapamahčy pakryć deficyt. Apošnija miesiacy Rasija była vymušanaja vykarystoŭvać svoj fond na čorny dzień i brać značnyja pazyki na ŭnutranych daŭhavych aŭkcyjonach z pryčyny adciahvańnia bolšaha abjomu srodkaŭ na vajnu.
