U Mahilovie raźviesili na vulicy prapahandysckija płakaty — da ranicy ad ich zastaŭsia tolki skotč
Łukašysty raźviesili ŭ centry Mahilova palityčnyja šaržy ŭ duchu stalinizmu. Ale z nadychodam ciemry płakaty pazryvali.
Źleva — toje, što stała z «vystavaj», sprava — adzin z tvoraŭ, jaki tam visieŭ. Fota: sacyjalnyja sietki
U Mahilovie šukajuć novyja sposaby daniasieńnia da nasielnictva dziaržaŭnaha śvietapohladu.
12 studzienia padkantrolnyja ideołaham ŚMI paviedamili pra «impravizavanuju karcinnuju halereju», jakuju nibyta razharnuŭ pa svajoj inicyjatyvie «nieabyjakavy mastak» u centry horada. Jak śćviardžałasia, jon pakazaŭ u svaich tvorach «ułasnaje staŭleńnie da hieapalityčnaj situacyi ŭ śviecie i nahladna prademanstravaŭ palityčnuju abstanoŭku ŭ našych susiedziaŭ».
Ad «tvoraŭ nieabyjakavaha mastaka» mahiloŭcy pakinuli tolki skotč, jakim karcinki byli prymacavanyja. Fota: sacyjalnyja sietki
Pracy «mastaka» vyhladali skapijavanymi z palityčnych šaržaŭ časoŭ stalinizmu i humarystyčnaha časopisa «Vožyk».
Za savieckim časam ideołahi takimi karcinkami vyśmiejvali paradki ŭ krainach Zachadu, a tym časam savieckija ludzi z achvotaj spažyvali ich pradukcyju i zajzdrościli dastatku žycharoŭ. Što vyśmiejvajuć imi łukašysty niezrazumieła, bo ŭ susiedniaj krainie vajna i ŭ joj hinuć ludzi.
Adna z karcin «nieabyjakavaha mastaka». Fota: sacyjalnyja sietki
Halereja «nieabyjakavaha mastaka» pravisieła na aharodžy stadyjona «Spartak» da ciemnaty. Uviečary mahiloŭcy «tvory» pazryvali.
«Naša Niva» — bastyjon biełaruščyny
PADTRYMAĆJak zachavać u sabie ahoń čałaviečnaści? Čamu nas vučyć litaratura postapakalipsisu. Novaje VIDEA na kanale Andreja Chadanoviča
«Dzikavatyja, panuryja, šukajuć žonak». Žychary Asipovičaŭ pra rasijskich vajskoŭcaŭ
Kalinoviec Kabančuk: Biełarusam treba rychtavacca da horšaha, ale nastup ź Biełarusi pakul niemahčymy
Tam usie takoj ža jakaści