Śpikier Dziarždumy prapanavaŭ kanfiskavać majomaść u rasijan, jakija źjechali
Śpikier Dziarždumy Viačasłaŭ Vałodzin vystupiŭ z prapanovaj kanfiskavać majomaść u hramadzian, jakija źjechali z Rasii i jakija padtrymlivajuć Ukrainu.
Viačasłaŭ Vałodzin. Fota: Dziaržduma
«Znachodziačysia za miažoj, zdajuć u arendu nieruchomaść, praciahvajuć atrymlivać hanarary za košt rasijskich hramadzian. Pry hetym dazvalajuć sabie publična lić brud na Rasiju, abražajuć našych sałdat i aficeraŭ. Adčuvajuć svaju biespakaranaść, miarkujučy, što pravasudździu da ich nie daciahnucca», — napisaŭ Vałodzin u svaim telehram-kanale.
Ź jahonych słoŭ, publičnyja zajavy emihrantaŭ u padtrymku Ukrainy «mohuć być rascenienyja jak zakliki da ekstremizmu, reabilitacyja nacyzmu abo dyskredytacyja Uzbrojenych Sił».
Adpaviednyja artykuły Kryminalnaha kodeksa Vałodzin prapanuje dapoŭnić punktam ab kanfiskacyi majomaści ŭ Rasii.
Ideju Vałodzina padtrymaŭ kiraŭnik kamiteta Savieta Fiederacyi pa kanstytucyjnym zakanadaŭstvie i dziaržbudaŭnictvie Andrej Klišas, jon taksama zajaviŭ, što nieabchodnyja źmieny ŭ Kryminalnym kodeksie, paviedamiła TASS.
«Taki padychod mahčymy, ale nieabchodnyja farmuloŭki składu kryminalnaha złačynstva, treba ŭnieści adpaviednyja papraŭki ŭ Kryminalny kodeks», — skazaŭ Klišas.
