U Vilni prezientavali adukacyjny prajekt «Vaśminoh»
Mižnarodny kansorcyum «JeŭraBiełaruś», Ofis Śviatłany Cichanoŭskaj i Biełaruskaja rada kultury prezientavali ŭ Vilni adukacyjny prajekt «Vaśminoh: adukacyja dla biełaruskich dziaciej siońnia i zaŭtra», jaki adkryvaje novyja mahčymaści dla biełaruskich školnikaŭ i nastaŭnikaŭ jak unutry krainy, tak i za miažoj. Prajekt finansujecca Jeŭrakamisijaj.
Kiraŭnik «Vaśminoha» Alaksiej Kanstancinaŭ paviedamiŭ, čym jon budzie zajmacca:
«Budzie stvoranaja ličbavaja płatforma i sieryja anłajn-kursaŭ, aryjentavanych na aŭdytoryju ŭnutry krainy i pa-za miežami. My budziem padtrymlivać adukacyjnyja inicyjatyvy ad udzielnikaŭ, jakija žyvuć u Biełarusi».
Daradca Śviatłany Cichanoŭskaj pa pytańniach adukacyi i navuki Taćciana Ščytcova prakamientavała nieabchodnaść prajekta:
«Hałoŭnyja prablemy školnaj adukacyi — niedastatkovaja ŭvaha da biełaruskaj movy i kultury, prasoŭvańnie skažonaha ŭjaŭleńnia pra historyju. Prajekt budzie spryjać zasvajeńniu dziećmi raznastajnych viedaŭ pra Biełaruś, kultyvavać zdolnaści samastojnaha myśleńnia».
