Niebyvałaje tvorycca na Dniapry. Zimovaja pavodka i kryhachod
Aktyŭnaje rastavańnie śniehu pryviało da pavyšeńnia ŭzroŭniu vady ŭ Dniapry na bolš čym 4,5 mietra. Takuju pavodku ciapier tolki zredku pabačyš uviesnu, ale nie siarod zimy.
Dniapro sioletniaj zimoju z kryhachodam. Skan videa Mogilev Online
Sioletniaja zima na ŭschodzie Biełarusi, jak nikoli, anamalnaja. Vialikija marazy mianiajucca praciahłaj adlihaj.
Spačatku Dniapro apynuŭsia pad lodam, a zatym paciapleła. Pajšoŭ kryhachod, utvarylisia zatory dy znoŭ udaryli marazy.
Pavodku, adnak, heta nie spyniaje. Za apošni dzień pryrost uzroŭniu vady siahnuŭ amal 20 santymietraŭ. Raka papaŭnieła na 468 santymietraŭ. Kryhachod zapavoliŭsia, ale paśpieŭ paškodzić prystań.
Dzivosy nadvorja źnianacku zaśpieli vadapłaŭnych ptušak. Mahiloŭcy źniali na videa pałonku siarod Dniapra, u jakoj ratujucca kački i lebiedzi.
U 2012 hodzie padčas viasnovaj pavodki vada ŭ Dniapry padniałasia na 5,5 mietra. Tady heta ličyłasia ledź nie rekordam. Jaho paraŭnoŭvali z tym, što było ŭ 1931 hodzie. Tady raka papaŭnieła na 8,5 mietra.
Zima startuje z marazoŭ da minus 14°C
«Zdajecca, heta zamaskiravanyja janoty». U vioscy na Homielščynie žyvuć busły, jakija nie zmahli palacieć na poŭdzień
Lebiedzi nie adlacieli ŭ vyraj? Heta narmalna
«Naša Niva» — bastyjon biełaruščyny
PADTRYMAĆ
